web counter
LEXO PA REKLAMA!

SHKARKO APP

App Store
Google Play

Rama, drekë informale me ndërkombëtarë në 17 korrik/ Kusht, prezenca e Kurtit

7 Korrik 2023, 17:13, Politikë CNA

Rama, drekë informale me ndërkombëtarë në 17 korrik/

Kryeministri Edi Rama ka planifikuar mbajtjen e një dreke informale pune para samitit të Procesit të Berlinit.

Rama bëri të ditur nga Mali i Zi se dreka informale do të zhvillohet më 17 korrik, në Tiranë, me liderat e Ballkanit Perëndimor dhe përfaqësues të BE-së.

“E informova për përgatitjen e një takimi informal, një dreke pune informale në Tiranë, në 17 korrik, bashkë me përfaqësues të komisionit nga Brukseli, për të dialoguar lidhur me planin. Ky ishte takimi”, u shpreh kreu i qeverisë shqiptare në konferencën e përbashkët me homologun malazez, Dritan Abazoviç.

I pyetur nëse do të jetë present kryeministri i Kosovës, Albin Kurti në këtë drekë, Rama deklaroi se shpreson që të vijë.

Ai theksoi se takimi nuk do të zhvillohet nëse nuk vjen në Tiranë Albin Kurti.

“Takim pa kryeministrin e Kosovës në Tiranë nuk ka. Kështu e kuptoj unë rëndësinë e kryeministrit të Kosovës përsa i përket procesit të Berlinit. Por nuk e përjashtoj që Albini të mos vijë. Kjo nuk përjashtohet se nuk përjashtoj asgjë. Por them që do vijë. Mos thoni pastaj ti the që do vijë dhe ai s’erdhi se është e drejta e tij të mos vijë”, theksoi Rama./ CNA.al





Lajmet e fundit nga