E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Sherri në Krujë/ Xhaferri: Dhuna nga familjarët e deputetit të PS-së, degradim i institucioneve

7 Korrik 2023, 16:05, Politikë CNA

Sherri në Krujë/ Xhaferri: Dhuna nga familjarët e deputetit

Kryetari i FRPD-së, Besart Xhaferri

Kryetari i FRPD-së, Besart Xhaferri, ka reaguar pas sherrit masiv në Fushë-Krujë, ku u rrahën brutalisht shtetasit J.M. dhe B.M.

Xhaferri shprehet se dhuna ndaj dy qytetarëve krutanë, nga familjarë të deputetit të PS-së, Ramazan Rraja, është dëshmi e degradimit të institucioneve të rendit dhe dorëzimin e tyre përpara mbledhësve të votave për qeverinë.

Ai thotë se qytetarët e dhunuar janë shëmbëlltyra e shqiptarit të pambrojtur nga grupet kriminale që sipas tij lidhjet e të cilëve shkojnë deri në Parlament e Kryeministri.

Xhaferri u bën thirrje organeve të rendit të veprojnë me dorë të hekurt në raport me nivelin e krimit në këtë zonë, pasi sipas tij, banorët e Krujës dhe Fushë-Krujës nuk mund të jetojnë nën terrorin e përhershëm të botës së krimit.

“Dhuna e paprecedentë në një ambient publik ndaj dy qytetarëve krutanë Jashar dhe Bilbil Maja, nga familjarë të deputetit të PS-së, Ramazan Rraja, është dëshmi e degradimit të institucioneve të rendit dhe dorëzimin e tyre përpara mbledhësve të votave për Edi Ramën.

Jashar dhe Bilbil Maja ishin ankuar tek autoritetet për dëmet që u shkaktonin shpërthimet me tritol në guroret në pronësi të familjes Rraja, por në vend që te merrnin zgjidhje nga autoritetet u përballën me një dhunë të paprecedentë në publik nga 10 pjesëtarë të familjes Rraja.

Jashar dhe Bilbil Maja sot janë shëmbëlltyra e shqiptarit të pambrojtur nga grupet kriminale lidhjet e të cilëve shkojnë deri në Parlament e Kryeministri.

Pamjet e dhunës janë dëshmia e qartë e klimës së biznesit në Shqipëri, ku i forti nuk njeh as ligj dhe as ndonjë normë zakonore, por vetëm gjuhën e dhunës dhe një shoqëri që mbijeton nga dhuna, po nga dhuna do i vijë fundi.

Fushë Kruja është vetëm një pjesë e tablosë së zhvillimeve dinamike të botës së krimit në Shqipëri. Autoritetet e rendit duhet të veprojnë me dorë të hekurt në raport me nivelin e krimit në këtë zonë, pasi banorët e fisëm të Krujës dhe Fushë Krujës nuk mund të jetojnë përgjithmonë nën terrorin permanent të disa segmenteve të botës së krimit!”, shkruan kreu i FRPD-së./ CNA.al