web counter
LEXO PA REKLAMA!

SHKARKO APP

App Store
Google Play

Vijon lufta brenda PD-së së vulës/ Bardhi: S’ka zgjedhje pa vendim të Këshillit Kombëtar

6 Korrik 2023, 14:04, Politikë CNA

Vijon lufta brenda PD-së së vulës/ Bardhi: S’ka zgjedhje pa

Kreu i grupit parlamentar të PD-së së vulës, Gazment Bardhi ka deklaruar se nuk do të ketë zgjedhje brenda PD-së në 29 korrik pa vendim të Këshillit Kombëtar.

Përçarjet mes grupit të vulës vijojnë të thellohen ndërsa Bardhi zbulon se nuk ka lista që tregojnë se kush mund të konsiderohen anëtarë të PD-së.

Në një dalje televizive, ai thekson se, “Sa kohë nuk ka një mbledhje të vlefshme të Këshillit Kombëtar të PD nuk mund të ketë zgjedhje të ligjshme e legjitime”.

“Nuk ka zgjedhje më 29 korrik pa vendim të Këshillit Kombëtar”.

Kështu thekson Sekretari i Përgjithshëm i Partisë Demokratike Gazment Bardhi duke thënë se zgjedhjet për kreun e ri të PD-së nuk do të konsiderohen të ligjshme e legjitime në rast se nuk mblidhet për të miratuar hapjen e garës.

“Kam dijeni për vendimet e Kryesisë sikundër kam bërë të qarta qëndrimet e mia për procedurat që duhet të ndiqeshin për hapjen e garës për zgjedhjen e kryetarit të PD-së. Sa kohë nuk ka një mbledhje të vlefshme të Këshillit Kombëtar të PD-së nuk mund të ketë zgjedhje të ligjshme e legjitime. Sot që flasim e po afron data e shpallur, mund të konfirmoj se ende nuk ka lista se kush mund të konsiderohen anëtarë të PD-së. Për këtë arsye kemi kundërshtuar riorganizimin e partisë, por kemi kërkuar certifikimin e anëtarësisë për të shkuar në nivelin më të lartë të PD-së”, tha Bardhi./ CNA





Lajmet e fundit nga