web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi për Ramën/ "Korriku dhe tetori do të jenë përvëlues"

5 Korrik 2023, 12:34, Politikë CNA

Paralajmërimi për Ramën/ "Korriku dhe tetori do të

Ish-kryeministri Sali Berisha ka paralajmëruar se George dhe Aleksandër Soros nuk do të mund të shpëtojnë kryeministrin Edi Rama nga drejtësia amerikane.

Këtë deklaratë, ish-kryeministri e ka bërë në konferencë ku është shprehur se Rama do të hetohet për krimet që ka kryer duke përmendur aferën me McGonigal.

Berisha ka paralajmëruar se muaji korrik dhe muaji tetor do të jenë përvëlues për Ramën, të cilin e ka quajtur një njeri që për pushtet dhe rekrutimin e opozitës është i gatshëm të bëjë gjithçka.

Ai ka theksuar se krimi më i madh që ka bërë Rama është shkatërrimi i procesit zgjedhor dhe sipas tij sot kryeministri është më i rrezikshëm se kurrë.

“Po bëhen përpjekje nga Soros për ta shpëtuar nga kjo aferë. Aleksandër Soros e shpall atë vëlla dhe yll të stabilitetit vetëm që të mund të lehtësojë pozicionin e tij para drejtësisë së SHBA dhe të Shqipërisë në kohën e duhur. Rama është në hetim të hapur kriminal për krimet e shëmtuara që ka kryer, krimi më i madh është shkatërrimi i procesit zgjedhor. Sot ai është më I rrezikshëm se kurrë.

Korriku është përvëlues për të por më shumë tetori. Me gjithë përpjekjet e Aleksandër Soros do t'i dëshmojë botës se Rama është një njeri i shpëlarë se për hir të pushtetit të tij dhe për të rekrutuar opozitën është i aftë për të bërë gjithçka”, tha Berisha./ CNA





Lajmet e fundit nga