E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Dështaku serial, “ëndrra me sy hapur”/ “Do riorganizoj dhe modernizoj PD-në”

4 Korrik 2023, 18:51, Politikë CNA

Dështaku serial, “ëndrra me sy hapur”/ “Do

Dështaku serial i politikës shqiptare, Lulzim Basha, i cili nuk ka njohur gjë tjetër veçse humbje për sa kohë ishte në krye të PD-së, ka filluar të shohë “ëndrra me sy hapur”.

Pasi shënoi disfata të njëpasnjëshme, ndau e futi në sherr demokratët, Basha po sheh iluzione, të cilat po i shpreh në takimet elektorale.

Ekselenti i opozitës, që u zgjua pas një gjumi të gjatë letargjik, gënjeu sot demokratët e Divjakës me premtimin se do të rioganizojë PD-në dhe do ta modernizojë atë.

Gjithashtu, Basha premtoi se do ta hapë të djathtën për personat që mendojnë si ai.

Deklarata e Bashës:

Partia Demokratike po rioganizohet për të qenë në shërbim të shumicës së heshtur të shqiptarëve dhe instrumenti i tyre për ta ndryshuar këtë sistem politik që nuk i përfaqëson më.

Partia Demokratike do modernizohet, do ripërtërijë radhët e saj e do hapet ndaj të gjithë atyre që kanë te njëjtat vlera me ne:

Për aleancën tonë me partnerët strategjikë;

Për luftën pakompromis ndaj korrupsionit;

Për pastrimin e politikës dhe për t’u dhënë fuqi shqiptarëve të zgjedhin me votë përfaqësuesit e tyre.

Aleanca Qytetare për Demokracinë do të formësojë një mazhorancë reformuese duke nisur me:

Listat e hapura;

Vetting-un në politikë;

Kufizimin e mandateve;

Votën e diasporës.

Me mbështetjen e demokratëve, përgjegjësia ime do të jetë, të shtrijë dorën e bashkëpunimit ndaj kujtdo që beson në këto vlera. Me këto transformime ne synojme rritjen e mekanizmave të kontrollit dhe llogaridhënies së qeverisë, pavarësisht kush e drejton atë.

Për këtë arsye:

Duhet të ndryshojmë formulimin e Mocionit të besimit dhe atë të mosbesimit;

Numri i ministrive dhe rritja e Borxhit Publik të bëhen me ligj nga Parlamenti;

Heqjen e kontrollit politik ndaj punonjësve të administratës, duke u dhënë atyre siguri në punë;

Zgjedhjen e drejpërdrejt të Presidentit nga populli, si mbartës dhe balancues i pushteve.

Ne duhet të bëjmë gjithçka që t’u japim forcë dhe pushtet qytetarëve që ata të vendosin për të ardhmen e tyre, duke u kthyer atyre besimin te vota dhe politika!/ CNA.al