web counter
LEXO PA REKLAMA!

SHKARKO APP

App Store
Google Play

Fisi Felaj në prokurori/ Avokati: Të pushohen dhe të hetohen

4 Korrik 2023, 20:20, Politikë CNA

Fisi Felaj në prokurori/ Avokati: Të pushohen dhe të hetohen

Avokati Spartak Ngjela ka folur për fisin Felaj në Prokurorinë e Tiranës, ku u emërua vetëm një ditë më parë anëtarja e katërt e familjes, motra e deputetes socialiste, Ermonela Felaj.

Në një intervistë me Marsela Karapançon, avokati tha se të gjithë pjesëtarët e familjes së deputetes duhet të japin dorëheqjen ose të pushohen nga puna.

Kjo pasi, sipas tij, ligji nuk e lejon që persona të së njejtit fis të emërohen në gjykatë.

Ai theksoi se çështjen duhet ta marrë në dorë SPAK dhe duhet të ngrihet një komision që të hetojë vendimet e marra nga familjarët e Felajt, pasi hodhi dyshime se mund të kryejnë “goditje” ndaj armiqve politikë.

“Ka vetëm një zgjidhje, ata duhet të japin dorëheqjen ose të pushohen. Dhe ai që i ka punësuar të ketë parasysh se duhet të pushohet, nuk lejohet familjariteti në organet gjyqësore. Nuk lejohet në gjykatë fis. Është absolutisht e ndaluar. Nuk lejohet sepse është goditje penale dhe me goditjen penale mund të godasësh të gjithë armiqtë e tu politikë.

Meqë u kapën duhet të japin dorëheqjen. Ose do japin dorëheqjen, ose do ngrihet një komision të shikojë se çfarë kanë bërë ata me proceset penale. Duhet të shkojnë dhe të shikojnë këta që janë familjarë, çfarë benefitesh kanë marrë, çfarë benefitesh kanë dhënë.

E ka detyrim ligjor ta marrë edhe SPAK-u’, nënvizoi Ngjela./ CNA.al





Lajmet e fundit nga