LEXO PA REKLAMA!

SHKARKO APP

Rama në Kosovë/ Albin Kurti zhvillon takim me ambasadorin britanik

6 Korrik 2023, 19:22, Politikë CNA

Rama në Kosovë/ Albin Kurti zhvillon takim me ambasadorin britanik

Kryeministri Edi Rama ndodhet për një vizitë zyrtare në Kosovë, por homologu i tij Albin Kurti refuzoi takimin mes tyre.

Deri më tani nuk ka ende një njoftim nëse do të zhvillohet një takim Rama – Kurti.

Por pasditen e sotme, teksa kreu i qeverisë shqiptare zhvilloi takime me presidenten Vjosa Osmani dhe kryeparlamentarin Glauk Konjufca, kryeministri i Kosovës priti në zyrë ambasadorin e Mbretërisë së Bashkuar në Kosovë, Nicholas Abbott.

Në një deklaratë të Kryeministrisë së Kosovës, thuhet se pjesë e diskutimit ishin marrëdhëniet bilaterale dhe zhvillimet Kosovë - Serbi.

“Pas takimit që më 26 qershor Kryeministri i Republikës së Kosovës, Albin Kurti, zhvilloi me Sekretarin për Punë të Jashtme të Mbretërisë së Bashkuar, James Cleverly në Londër, sot priti në takim Ambasadorin e Mbretërisë së Bashkuar, Nicholas Abbott. Marrëdhëniet bilaterale, vizita në Londër dhe takimi mes Kryeministrit Kurti dhe Sekretarit Cleverly, si dhe zhvillimet në vend ishin pjesë e diskutimit në këtë takim”, theksohet në njoftim./ CNA.al

Lajmet e fundit nga