web counter
LEXO PA REKLAMA!

SHKARKO APP

App Store
Google Play

E fundit!

x

Nuk e priti në takim/ Rama i përmend sërish kanunin Albin Kurtit

6 Korrik 2023, 21:15, Politikë CNA
Nuk e priti në takim/ Rama i përmend sërish kanunin Albin Kurtit
Kryeministri Edi Rama

Kryeministri Edi Rama i përmendi sërish këtë mbrëmje Kanunin, homologut të tij të Kosovës, Albin Kurtin, i cili nuk e priti në takim, duke i refuzuar ftesën.

Rama tha në një intervistë televizive se shqiptarët krenohen për mikpritjen, pasi me kanun edhe hasmit i hapet dera.

Ai deklaroi se në këtë rast, Albin Kurti nuk duhet të krijonte një shfaqje të tillë, ndaj kërkoi që ai të dalë e të flaës për refuzimin e takimit.

“Nuk jam unë që duhet të flas sepse jam unë që kam kërkuar takimin dhe është Albini që duhet të flasë pse Albini nuk ka pranuar ta bëjë.

Unë referohem kanun sepse duhet t’i jepja përgjigje dikujt në Maqedoninë e Veriut që nuk ishte vendi për të folur për diçka që është midis nesh dhe mund tua jap juve përgjigjen. Por edhe ajo e kanunit nuk është e pavlerë me thënë të drejtën sepse është bazë e traditës sonë, ne krenohemi gjithandej se është shtëpia e shqiptarit, e zotit dhe e mikut.

Dhe kur thuhet miku, nuk thuhet thjeshtë miku që t’i fton, por thuhet ai që të troket në derë, të cilin ti mund mos ta njohësh, ose mund të jetë hasmi yt dhe ti je i detyruar ta hapësh derën dhe je i detyruar ta presësh, pavarësisht se mund të jetë një prani që ti nuk e dëshiron dhe këtë sens, mendoj që edhe kaq mjafton për të mos krijuar shfaqje të tilla”, theksoi kreu i qeverisë./ CNA.al





Lajmet e fundit nga