web counter
LEXO PA REKLAMA!

SHKARKO APP

App Store
Google Play

E fundit!

x

Rama: Ballkani i Hapur, nuk është kompania ime

7 Korrik 2023, 17:18, Politikë CNA

Rama: Ballkani i Hapur, nuk është kompania ime

Kryeministri Edi Rama, gjatë një konference të përbashkët me Kryeministrin e Maqedonisë së Veriut, Dritan Abazoviçin është shprehur se Ballkani i Hapur nuk është kompania e tij.

Ai deklaroi duke ju kundërvënë Ballkanit të Hapur me teori konspirative haluçinante kritikët e kësaj nisme kanë dëmtuar Procesin e Berlinit dhe kanë ndikuar në vende të ndryshme për një nismë që ka pasur një virtyt të frytshëm.

Rama theksoi se rajoni duhet të përqendrohet te Procesi i Berlinit, sepse është mundësia historike e futjes në proces të një plani financimi nga BE për rajonin.

“Së pari Ballkani i Hapur, nuk është kompania ime private që unë e hapa dhe unë e mbyll. Ballkani i Hapur është nismë e përbashkët e disa vendeve ku unë pata privilegjin të jem pjesë.

Unë thjesht kam shprehur opinionin tim, që Ballkani i Hapur e ka shprehur misionin e vet, por nuk e imagjinoj që procese e nisma të konsoliduar do ndalojnë të gjitha. Nuk është kompania ime. Unë kam shprehur opinionin tim. Dhe pse në këtë moment? Sepse duke ju kundërvënë Ballkanit të Hapur me teori konspirative haluçiante, ata kanë dëmtuar Procesin e Berlinit dhe kanë ndikuar në vende të ndryshme për një nismë që ka pasur një virtyt të frytshëm.

Po ashtu kemi thënë që kur ne kemi firmosur në Berlin, ne që ishim pjesë e Open Balkan kemi bërë firmë teatrale se kemi firmosur dhe më parë. Thënë këto ne duhet të përqendrohemi te Procesi i Berlinit tani, sepse kemi mundësinë historike të futjes në proces të një plani financimi nga BE për rajonin për të cilën duhet të përpiqemi të gjithë bashkë”, tha kreu i qeverisë.

Kujtojmë se vizita e Ramës në Maqedoninë e Veriut vjen në sajë të turit të tij ballkanik./ CNA.al





Lajmet e fundit nga