web counter
LEXO PA REKLAMA!

SHKARKO APP

App Store
Google Play

E fundit!

x

“Dhunë shtazore”/ Berisha paralajmëron Rrajat: Drejtësia vonon, por nuk harron

7 Korrik 2023, 17:43, Politikë CNA

“Dhunë shtazore”/ Berisha paralajmëron Rrajat:

Ish-kryeministri Sali Berisha ka reaguar për sherrin masiv në Fushë-Krujë, ku u dhunuan barbarisht dy shtetasit me inicialet B.M. dhe J.M. ky i fundit, kryetar grupseksioni i Partisë Demokratike në Borizanë.

Berisha thotë se ky akt kriminal i fisit Rraja ka ardhur pas ankimit të vëllezërve Maja, pasi atyre u ishte dëmtuar shtëpia nga shpërthimet në guroren që shfrytëzohej nga Rrajat.

Ai shpreh solidaritetin e Partisë Demokratike me dy qytetarët e dhunuar dhe dënon me ashpërsi atë që ka ndodhur sot.

“Dhunë shtazore në Borizanë të Krujës e Xhelal dhe Flamur Rrajës, vëllezërve të deputetit Rrahman Rraja ndaj qytetarëve të pafajshëm Bilbil dhe Jashar Maja.

Të dashur miq,

Dy vëllezërit e deputetit të PS, Rrahman Rraja, Xhelal e Flamur Raja, dhe djali i këtij të fundit, kanë rrahur shtazërisht me shkopa bejsbolli dhe kërcënojnë me pistoletë qytetarët e pafajshëm, Bilbil dhe Jashar Maja, kryetar i grupseksionit të Partisë Demokratike në Borizanë.

Ky akt kriminal i fisit Rraja ka ardhur pas ankimit të vëllezërve Maja se atyre u ishte dëmtuar shtëpia nga shpërthimet në guroren që shfrytëzohej nga Rrajat. Duke shprehur solidaritetin e plotë të Partisë Demokratike, Bilbil dhe Jashar Majas, Partia Demokratike dënon me ashpërsinë më të madhe krimin e shëmtuar të bandës qeveritare Rraja dhe iu rikujton këtyre kriminelëve se drejtësia vonon, por nuk harron krimet tuaja të shëmtara.”-shkruan Berisha./ CNA.al





Lajmet e fundit nga