E fundit!

10:33 Aktualitet

SPAK hap thirrjen për 40 hetues të rinj në BKH/ Braho: Hetimet moderne kërkojnë kapacitete të reja

Kreu i SPAK, Klodjan Braho, deklaroi se Prokuroria e Posaç...

“Qeveria h*le ka polici të tredhur nga krimi”/ Murrizi: Të shkarkohen zyrtarët e lartë

8 Korrik 2023, 14:40, Politikë CNA

“Qeveria h*le ka polici të tredhur nga krimi”/ Murrizi: Të

Ish-deputeti Myslim Murrizi

Ish-deputeti Myslim Murrizi ka reaguar në lidhje me konfliktin që degjeneroi në dhunë mes anëtarëve të fisit Rraja dhe Maja, ku dy nga këta të fundit u rrahën barbarisht me sende të forta si shkopinj bejsbolli dhe u kërcënuan me armë zjarri.

Përmes një shkrimi në rrjetet sociale, Murrizi ka nënkuptuar se operacioni policor sot në Nikël është për të zhvendosur vëmendjen e publikut nga ngjarja makabër që ndodhi në Krujë.

Deputeti bën thirrje për shkarkime masive nga detyra dhe largimin përfundimtar të disa disa drejtuesve vendorë të policisë, deri në Policinë e Shtetit.

Kjo, pasi sipas tij, ky institucion ka tentuar të mbulojë ngjarjen dhe të fshehë emrat e disa dhunuesve.

“Operacion blic i forcave “speciale” të një qeverie h*le që ka një polici të tredhur nga grupet kriminale.

Minimalja duhet të shkarkohet dhe të largohet përfundimisht nga Policia e Shtetit të gjithë drejtuesit fundërrina, plehra dhe fëlliqësira të komisariatit Krujë (shef komisariati, shef krimesh, shef rendi, komandanti i postës Fush-Krujë, spz i zonës, oficer i krimeve të zonës).

Për tentativë të mbulimit të kësaj ngjarjeje dhe fshehjes së disa emrave kryesorë në deklaratën e policisë dhe mos përfshirjen në listën e personave të shpallur në kërkim duhet të shkarkohet dhe të qërohet nga Policia e Shtetit drejtori i policisë së qarkut Durrës.

Duhet pastruar kupola drejtuese e Policisë së Shtetit nga një tufë qelbësirash që i komandon krimi dhe janë aty me mbështetjen dhe përkrahjen e grupeve kriminale që urdhërojnë çdo gjë falë aksesit politik që kanë në këtë Qeveri h*le që ju ndjehet borxhli atyre për kontribut në votat në çdo palë zgjedhje

Ndryshe çdo shqiptar duhet të mbajë armë në brez për tu vetëmbrojtur ndaj çdo tufë llumhanesh dhe kriminelë ordinere që “sundojnë” në çdo cep të Shqipërisë me këtë shtet të qelbur nga koka deri te këmbët”, shkruan Murrizi./ CNA.al