web counter
LEXO PA REKLAMA!

SHKARKO APP

E fundit!

x

SPAK i sekuestroi vilat/ Arben Ahmetaj ankimon vendimin në Apelin e GJKKO-së

3 Prill 2023, 11:10, Kronika CNA

SPAK i sekuestroi vilat/ Arben Ahmetaj ankimon vendimin në Apelin e

Ish-zëvendëskryeministri, Arben Ahmetaj, ka ankimuar në Gjykatën e Posaçme kundër Korrupsionit dhe Krimit të Organizuar masën e sekuestros që SPAK-u i vuri disa ditë më parë mbi dy pasuri të paluajtshme.

Një vilë në Hamallaj dhe një në Palasë janë në emër të ish-gruas dhe bashkëjetueses aktuale të Ahmetajt, të cilat janë sekuestruar nga SPAK-u.

Në kërkesën e tij në GJKKO, ish-ministri e quan masën e sekuestros si të paligjshme. 

Edhe në rastin e kontrolleve që BKH ushtroi në banesat e tij, Ahmetaj dhe partnerja ankimuan gjetjet, por GJKKO e rrëzoi kërkesën.

Kreu i SPAK-ut, Altin Dumani, tha se Ahmetaj po hetohet dhe po gjurmohet pasuria e tij, pasi sipas tij, nga kontrolli në vila janë gjetur prova.

Ahmetaj është nën hetim nga SPAK-u për veprat penale: “Korrupsion”, “shpërdorim detyre”, “fshehje e pasurisë” dhe “pastrim parash”./CNA





Lajmet e fundit nga