web counter
LEXO PA REKLAMA!

SHKARKO APP

App Store
Google Play

Alibeaj dhe Bardhi “tremben” nga draftet për spiunët/ Deputeti socialist i “thumbon”

10 Korrik 2023, 14:25, Politikë CNA

Alibeaj dhe Bardhi “tremben” nga draftet për spiunët/

Sot në Komisionin e Ligjeve janë diskutuar disa projektligje për "spiunët" në funksione të larta drejtuese dhe në administratë, ku PD e vulës nuk ka miratuar draftet e prezantuara.

Sipas ish-kreut të PD-së së vulës, Enkelejd Alibeaj dhe kreut të grupit të saj Gazment Bardhi nuk mund të miratohen pasi nuk përputhen me standardet e përcaktuara nga komisioni i Venecias.

“Jo për shkak të mungesës së dëshirës por nuk përputheni në mënyrën si keni strukturuar projektligjin tuaj. Keni përcaktuar disa ish-funksione që duhet të penalizohen dhe së dyti keni përcaktuar kohën e ndalimit për funksionet e reja.

Në fakt ne nuk duam të bëjmë të njëjtin gabim si në 2008. Sot falë komisionit të Venecias kemi një ligj se si duhet të jetë ligji i lustracionit.

Projektligj për t’ia futur dikujt apo për të mbrojtur dikë nuk do të votojnë asnjëherë”, është shprehur Alibeaj.

Ndryshimi i qëndrimit të dyshes Alibeaj dhe Bardhi ka tërhequr dhe vëmendjen e deputetit socialist, Toni Gogu, i cili thotë se nuk e kupton arsyen pse apo janë të trembuar pasi nuk mbledhin dot vota sa një sekretar partie apo një spiun.

“Parimet që ka vendosur komisioni i Venecias janë të qarta. Ajo që dua të kuptoj është ndryshimi i qëndrimit tuaj sot. Copëtimi në tri qëndrime të ndryshme vjen se ju tentuat si djemtë të rinj të pastër shkuat të mblidhnit vota dhe nuk arritët që të mblidhnin vota dhe sot vini dhe doni ta fundosni atë projekt që nisëm për ta pastruar politikën dhe doni ta fusni në ullinjtë e teknikacitetit, nuk arrini dot të jeni tërheqës sa një sekretar partie dhe sa një spiun", tha Gogu./ CNA





Lajmet e fundit nga