Agron Duka: Sistemi zgjedhor, thembra e “Akilit” për zgjedhjet në Shqipëri

11 Korrik 2023, 17:40, Politikë Zenel Çeliku

Agron Duka: Sistemi zgjedhor, thembra e “Akilit” për zgjedhjet

Me nismën e Partisë Agrare Ambientaliste (PAA), të LZHK dhe të Lëvizjes Thurja, u krijua e ashtuquajtura tryeza për ndryshimin e Kodit Zgjedhor.

Duka është bërë një nga nismëtarët më “rebelë” për ndryshimin e sistemit zgjedhor përmes nje referendum mbarë popullorë.

Shumë shpejt kësaj iniciative iu bashkuan edhe partitë tjera të vogla që realisht sistemi zgjedhor aktual i penalizon shumë.

Dje Duka i mbështetur nga kolegët Dashamir Shehi dhe Endrit Shabani theksoi se “sistemi zgjedhor aktual është i padrejtë, favorizon vetëm partitë e mëdhaja. Listat e hapura nuk ekzistojnë fare, momentalisht egziston paradoksi që një kandidat që ka fituar edhe 200 vota, çuditërisht sot është në Parlament, kurse një tjetër kandidat edhe kur fiton 9000 vota, për shkak të këtij Kodi Zgjedhor pirate, nuk fiton dot mandatin e deputetit sepse nuk e lejon ky sistem.

Vota e qytetarit duhet të shkojë aty ku orientohet shprehet fort Duka, sepse duhet t’i japim vendin e merituar një kandidati. Si ndjesë në tre dekada në politikë, gjykoj se kjo iniciativë shumë e mirë duhet të ndryshojë dhe ka nevojë për aleanca me partitë e tjera por edhe me PS-në, gjykoj se lypën negociata dhe mirëkuptimin e Kryeministri Rama, i cili ka pushtet absolut si pasojë e këtij sistemi”.

Kryetari i PAA Duka, i mbështetur nga kolegët Shehi dhe Shabani, shprehet prerazi se “me patjetër duhet ndryshuar ky sistem zgjedhor, ideale do të ishte një sistem proporcional kombëtar. PAA, LZHK, Lëvizja Thurje, e të tjera parti të vogla mendojnë se nga 12 zona, të bëhen 4 zona e poshtë. Kështu probabiliteti që votat të konvertohen në deputetë të merituar është më i madh kur rajoni rritet”.

Më tej Duka thotë se “situata e çështjes agrare në Shqipëri është shumë e rëndësishme, por fatkeqësisht nuk kemi mundur ta përçojmë siç duhet vitet e fundit për shkak të shumë rrethanave politike. Unë nuk po i kërkoj pushtet Ramës, por duke qenë se çështjet agrare dhe ambientaliste janë shumë të rëndësishme, në mënyrë për të dhënë kontribut të çmuar në qeverisje, nëse do të ketë ofertë nga PS mundet që të shihet e të merret në konsideratë”.

Duka me modestine që e karakterizon tha se, “nuk dua as ministër, as deputet të favorizuar nga asnjë parti”.

“PAA në zgjedhjet e fundit më 14 Maj, ka marrë 45 mijë duke e klasifikuar PAA parti të pestë në vend. Ne kemi shumë besim se në zgjedhjet e përgjithshme në 2025-ën, PAA do të marrë mbi 100 mija vota duke qënë grup parlamentar përcaktues. PAA realisht është e hapur për aleanca me çdo parti, vetëm e vetëm që të japin më të mirën për çështjet agrare në Shqipëri. Është e sigurtë se PAA do të ketë një rritje suprizuese, për këtë kemi filluar të punojmë fort që tani, ne nuk ua mbyllim derën e bashkëpunimit askujt, jemi të bindusr se PAA do të jetë një forcë politike me shumë gjasa, forcë politike qeverisëse”, ka përfunduar Lideri i PAA-së, Agron Duka.

Zenel Çeliku

TIR-FAX News Agency