web counter
LEXO PA REKLAMA!

SHKARKO APP

App Store
Google Play

Bardhi, debat të ashpër me Felajn/ “Emri jot është në provat e SPAK”

11 Korrik 2023, 17:22, Politikë CNA

Bardhi, debat të ashpër me Felajn/ “Emri jot është

CNA ka zbardhur debatin e zhvilluar në mbledhjen me dyer të mbyllura të Këshillit të Mandateve për ish-zv.kryeministrin Arben Ahmetaj.

Deputeti i opozitës, Gazment Bardhi ka debatuar ashpër me deputeten e PS-së, Ermonela Felaj për zhvillimin ose jo të mbledhjes me dyer të hapura.

Bardhi ka kërkuar që diskutimet të jenë të hapura, por është kundërshtuar nga Felaj, e cila ashtu si SPAK është shprehur se mbledhja duhet të jetë me dyer të mbyllura për shkak të sekretit hetimor.

Debati ka përshkallëzuar në fyerje, ndërsa deputeti i PD-së i ka kujtuar se emri i saj është në dosjen e sjellë nga SPAK.

“Emri yt është në këtë dosje. Ti ke frikë sepse emri yt është në dosje. Lëri njerëzit të kuptojnë që ti njësoj si Ahmetaj ke qenë pro ndërtimit të inceneratorëve. Je në konflikt interesi!” u shpreh Bardhi në debat e sipër.

Ai ngriti akuzat se mazhoranca ka frikë që shqiptarët të mësojnë të vërtetën për inceneratorët.

“Mazhoranca ka frikë që shqiptarët të mësojnë të vërtetën për inceneratorët. Mazhoranca po ndihmon Ahmetajn që të arratiset dhe SPAK mos ta kapë atë”, theksoi Bardhi./ CNA.al





Lajmet e fundit nga