web counter
LEXO PA REKLAMA!

SHKARKO APP

App Store
Google Play

E fundit!

x

Taulant Balla merr nesër detyrën e ministrit të Brendshëm

12 Korrik 2023, 15:17, Politikë CNA

Taulant Balla merr nesër detyrën e ministrit të Brendshëm

Ditën e nesërme, kreu i Grupit Parlamentar të Partisë Socialiste, Taulant Balla, pritet të marrë detyrën si ministër i Brendshëm pas dekretimit të bërë nga Presidenti të martën. 

Nesër pritet të zhvillohet seanca e radhës plenare. 

Dhuna makabër në Krujë e shkaktuar nga fisi Rraja solli “tërmet” në radhët e uniformave blu dhe konkludoi me dorëheqjen e Bledi Çuçit nga lidershipi i Ministrisë së Brendshme dhe emërimin e Taulant Ballës nga kryeministri Edi Rama në krye të këtij digasteri.

Taulant Balla është një nga figurat më protagoniste dhe një politikan faktor në Kuvend.
Karrierën politike, Taulant Balla e nisi në vitin 2004, ku shërbeu si këshilltar i kryeministrit të asaj kohe Fatos Nano.

Ai u zgjodh për herë të parë deputet i Librazhdit në vitin 2005, në moshën 28-vjeçare dhe prej asaj kohe nuk ka munguar në Kuvendin e Shqipërisë. Pas zgjedhjeve të vitit 2017, Taulant Balla u emërua kryetar i grupit parlamentar socialist.

Njëkohësisht, ai u emërua Kryetar i Delegacionit të Parlamentit të Shqipërisë në Parlamentin Europian dhe Zëvendëskryetar i Këshillit Kombëtar të Integrimit Europian. Pas dorëheqjes së Gramoz Ruçit, Balla u zgjodh Sekretar i Përgjithshëm i Partisë Socialiste post, të cilin e mbajti deri pas zgjedhjeve të vitit 2021, ku u zëvendësua nga Damian Gjiknuri.

Balla është deputet i Qarkut të Elbasanit dhe drejtues politik për Partinë Socialiste në Qarkun Fier. Më herët ka drejtuar qarkun e Elbasanit ku ka marrë edhe rezultatin më të mirë elektoral në zgjedhjet e vitit 2017 dhe 2021 si për socialistët por edhe vetë si deputet rezultoi më i votuari në rang kombëtar.

 

 





Lajmet e fundit nga