web counter
LEXO PA REKLAMA!

SHKARKO APP

App Store
Google Play

E fundit!

x

Gogu “nxjerr zbuluar” opozitën/ Pse po shkakton rrëmujë në Parlament

13 Korrik 2023, 13:48, Politikë CNA
Gogu “nxjerr zbuluar” opozitën/ Pse po shkakton
Deputeti i PS-së, Toni Gogu

Deputeti i PS-së, Toni Gogu, ka hedhur akuza ndaj opozitës për bllokimin e foltores dhe tensionet e shkaktuara gjatë ditës së sotme në Kuvend.

Gogu tha se e gjithë rrëmuja ka në prapaskenë zgjedhjet e 14 majit. Kjo, pasi, sipas tij, opozita luan me dy standarde.

Deputeti deklaroi se më 6 mars opozita i cilësoi zgjedhjet e drejta pasi fituan një bashki, ndërkohë zgjedhjet e 14 majit i cilëson të vjedhura sepse patën rezultat katastrofik.

“Tani ka vetëm një arsye për këtë skenë të pahijshme dhe arsyeja janë zgjedhjet. Ky zotëria që sot po bërtet (Bardhi) me shumë të drejtë kur ishte kryetar i statuteve dhe mandatit të PD-së e mori dhe e lexoi siç donte vetë. Sot i thotë kryetares së kuvendit si zbaton rregulloren. Këta duan të prishin procesin se e dinë se çfarë po vjen nga pas. Ajo rregullore u jep deputetëve dy javë kohë, sepse nesër do të vijë kërkesa për ty Bardhi dhe ti do proces të rregullt ligjor.

Do vij për padrinon politik. Sepse ai zbatonte urdhrat e prokurorit të përgjithshëm kur ishte në detyrë. Këta sot kanë standard të dyfishtë që i bën me turp, më 6 mars këta thanë se që ishin zgjedhjet e drejta sepse fituan një bashki, ndërkohë më 14 maj këta thanë që procesi është i blerë nga ky dhe ai shkojnë nëpër dynja dhe gjejnë blerës votash. Ndërkohë e gjithë Rrogozhina flet sot që e mban e-Albania me qira dhe merret me ne që sapo kemi futur këmbët në parlament i bën bashkë. Lëreni ligjin të jetë i barabartë dhe mos shkelni rregulloren e kuvendin”, theksoi Gogu./ CNA.al





Lajmet e fundit nga