web counter
LEXO PA REKLAMA!

SHKARKO APP

App Store
Google Play

E fundit!

x

“Më ‘mbytën’ pse mbrojta Albinin”/ Rama: Nuk më duhet kush e ka gjuajtur shishen e parë

13 Korrik 2023, 16:14, Politikë CNA

“Më ‘mbytën’ pse mbrojta Albinin”/ Rama: Nuk

Kryeministri Edi Rama ka reaguar për të dytën herë radhazi në lidhje me dhunën e ushtruar nga deputetët e PDK-së në Kuvendin e Kosovës.

Përmes një shkrimi në rrjetet sociale, Rama u ka kthyer përgjigje sipas tij zërave që thonë se kryeministri shqiptar po qëndron në krah të homologut Albin Kurtit, për sa i përket kësaj ngjarjeje.

Numri një i qeverisë shprehet se nëse “demokracia parlamentare katandiset në kush gjujti i pari atëherë kemi një problem edhe me kuptimin e demokracisë.”

Ndër të tjera, kryeministri thekson se ato pamje dëmtojnë reputacionin e Kosovës dhe bën thirrje që opozita e Kosovës të distancohet nga sjellje të tilla.

“Më 'mbytën' miq nga Kosova pse e paskam mbrojt Albinin, se shishen e parë e paska gjujt Bislimi dhe paska qenë VV që e paska hap kapitullin e dhunës në Kuvendin e Kosovës kur ishte në opozitë! Nuk më duhet kush e ka gjujt shishen e parë, mbase keni të drejtë ju, mbase jo, por nëse demokracia parlamentare katandiset në kush gjujti i pari atëherë kemi një problem edhe me kuptimin e demokracisë, edhe me kuptimin e këtij momenti kyç për Kosovën, e cila nuk ia ka borxh askujt besoj shfaqjen skandaloze të ditës së sotme.

Dhe si dikush që e di mirë se sa poshtë ka rënë Kosova në sytë e krejt botës demokratike për shkak të qasjes së gabuar të qeverisë së saj, unë vazhdoj mendoj se çka ndodhi sot është e turpshme dhe jam i bindur se justifikimi i asaj shëmtie nuk e ndihmon, po e dëmton ende më shumë reputacionin e Kosovës, prandaj thashë dhe e them prapë se uroj që opozita të distancohet nga një shëmti e tillë”, shkruan Rama./ CNA.al





Lajmet e fundit nga