E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Erdoganizëm, Putinizëm apo Edvinizëm

15 Korrik 2023, 12:34, Politikë CNA

Kryeministri Edi Rama

Miqësia me Erdoganin dhe shembulli i Putinit shkojnë krah për krah me kryeministrin tonë. Faktet janë të shumta.

Rama është një lider i gjithëpushtetshëm, një kryetar partie, një kryeministër, një njeri që ka drejtuar Reformën në Drejtësi, të cilën opozita e quan të kapur prej tij, një njeri që gjatë viteve të qeverisjes ka pasur afër shumë bashkëpunëtorë, të cilët i ka hedhur tej.

Por më shumë se lënia mënjanë e tyre, është fakti se si ata janë sulmuar më pas deri te bashkëpunëtorët e tyre të ngushtë, duke u parë si një çështje e pastër politike, një veprim i qëllimshëm me komandë, kryesisht nga propaganda e drejtuar nga zyrat e Kryeministrisë, thjeshtë dhe vetëm që fatura e pakënaqësisë së opinionit publik mos i mbeste kryeministrit tonë, por të kalonte te individë të caktuar.

Askush nuk mund ta mohojë rastin e Saimir Tahirit, kur Qeveria e lëshoi, Rama e lëshoi, e përveç opozitës, në sulm u hodh vetë kryeministri me të tijët.

Rama “kthehet” tek Tahiri/ Tregon çfarë i tha pasi u akuzua për trafik droge
13 Shkurt, 21:52

Sapo u largua nga ministri i Brendshëm, e gjithë struktura e komanduar, punonjës police me eksperiencë, me grada, që shiheshin si miq të Saimir Tahirit u goditën, njësoj siç i goditi gylenistët Erdogani në Turqi.

Është thuajse i njejti paralelizëm. Po freskohet tani me Arben Ahmetajn, duket qartazi. Disa muaj më parë, një gazetar i paguar në mediat e qeverisë, me një padi 26 faqe, të përgatitur nga njerëzit e korrupsionit të inceneratorëve që shkojnë në kupolat më të larta të shtetit, që fillojnë në Elbasan, që shkojnë në Fier, në Tiranë, një aferë korruptive 1 miliard pretendohet nga mediat.

Arben Ahmetaj, Saimir Tahiri dhe Edi Rama

Çfarë ndodhi?

Mediat e propagandës së Qeverisë, të paguara nga inceneratorët, por edhe bashkëpunëtorë të Edi Ramës filluan sulmin ndaj Arben Ahmetajt dhe paralel me tëu sulmua, u akuzua dhe u hoq nga puna, ashtu si në rastin e oficerëve të policisë, kushdo që kishte pasur lidhje me Arben Ahmetajn.

Në pak muaj, njeriu që kishte qenë dyshi i qeverisë, u kthye në armikun më të madh. Nuk ka ndryshim me rastin e Gylenit, është pak a shumë e njejta gjë, thjeshtë dhe vetëm lufta nuk është bërë ende ndërkombëtare.

Gyleni ka qenë krahu i djathtë i Erdoganit, miku i ngushtë i tij, ata konsultoheshin për gjithçka. Më pas, u përplasën. Për mendime të ndryshme u fërkuan, njëri lëshoi tjetrin dhe filloi lufta.

Recep Tayyip Erdogan dhe Fetullah Gylen

Por në PS ka disa luftëra, të cilat kryeministri jonë i bën për autokracinë e tij, gjithëpushtetshmërinë e tij, gjithëkontrollin e tij. Duket sikur është një Putin, një Putin e ri.

Tashmë me përgatitjet e ligjeve presidenciale, kërkon të kalojë nga Kryeministër në President, e më pas prap Kryeministër.

Është njeriu i cili ka shkatërruar opozitën në Shqipëri. Mund të bëjë zgjedhje kur të dojë dhe sërish të jetë në pushtet. Autokracia e tij, kontrolli i sistemit është i plotë. E shkatërroi opozitën duke blerë liderin e saj, duke kryer manovra, lobime, skandali McGonigal, i ka shërbyer thjeshtë dhe vetëm përçarjes së opozitës, sulmeve ndaj saj dhe këto tashmë janë publike.

Nuk ka ndonjë ndryshim nga Putini në Rusi, nga autokracia e tij, nga shkatërrimi i opozitës që ka ndodhur atje, apo edhe nga burgosja.

Recep Tayyip Erdogan dhe Vladimir Putin

Në Shqipëri po burgosen njerëzit me urdhër. Reforma në Drejtësi, më shumë se sa një shpresë për të ardhmen e shqiptarëve është kthyer në një instrument që Shqipërinë nga një Republikë Parlamentare dhe demokraci po e kalon në një Republikë Persekutore, një Republikë Prokurorësh ku pa fakte dhe pa prova arrestohen njerëz dhe plasen në burg derisa t’ju gjendet fakti dhe prova për t’i dënuar, apo për t’i nxjerrë të pafajshëm duke ju thënë ndjesë.

Janë me dhjetëra raste të tilla, sidomos rastet e politikës kur shqiptarët e kuptojnë menjëherë që duikush do të ketë linçim, do të sulmohet, do të akuzohet dhe do të burgoset, pasi e lëshon kryeministri, pasi akuzon kryeministri dhe bën rolin e gjyqtarit dhe prokurorit, kur kryeministri flet për dardha, për molë apo për fruta, që i ka qejf ai apo dikush tjetër dhe menjëherë sapo kryeministri linçon një emër, batërdia mediatike dhe më pas vetë SPAK apo strukturat e drejtësisë janë të pandalshëm.

Rama e thotë troç/ "Nuk i zgjedh bashkëpunëtorët për t'i mbajtur kur ata lëshojnë veten"
14 Korrik, 19:04

Akuza, përçudnime, sulme, deri në hetim i familjes me dekada të shkuara, thjeshtë dhe vetëm me qëllim shkatërrimin e dikujt që mund të ketë kundërshtuar edhe i rri përballë kryeministrit tonë, apo nuk ka ndjekur linjën e asaj që ai do. Ky është një fakt, jo vetëm një, janë disa të përsëritura.

Ka zyrtarë të vënë në pranga thjeshtë dhe vetëm se kanë kundërshtuar. Ka njerëz të sulmuar, akuzuar, pa asnjë provë, a thua se kemi pasur një reformë apo një instrument në duart e kryeministrit për të luftuar këdo, kur dhe si do ai thjeshtë dhe vetëm në shërbim të pushtetit të tij.

A ka ndonjë ndryshim këtu midis Erdoganit dhe Putinit në autokracinë e gjthëpushtetshme të Edi Ramës që tashmë ka ngelur vetëm pa një dënim me vdekje ku të firmosë dhe vulosë pushkatime apo varje në litar sepse opozitën e pushkatuar dhe shkatërruar, njerëzit më të ngushtë pranë i lëshon dhe i shkatërron, pasi i keqpërdor dhe tani është kthyer në sulltanin e ri të ballkanit./ CNA.al