web counter
LEXO PA REKLAMA!

SHKARKO APP

App Store
Google Play

E fundit!

x

Raporti i plotë/ Pretendimet e Berishës për shpalljen "non-grata" nga Britania e Madhe

17 Korrik 2023, 14:09, Politikë CNA
Raporti i plotë/ Pretendimet e Berishës për shpalljen
Kryetari i Partisë Demokratike, Sali Berisha

Kryetari i Partisë Demokratike, Sali Berisha, publikoi sot një raport në dy gjuhë, shqip dhe anglisht, nga Home Office britanik për sanksionin "non-grata" që i ka vendosur Mbretëria e Bashkuar.

Berisha tha se raporti ka si qëllim të paraqesë me prova, fakte e dokumente të pakundërshtueshme nga pozicioni i dëshmitarit.

Kjo, pasi ai pretendon se me sanksionin ndaj tij është kryer korrupsion politik transnacional, janë korruptuar diplomatët dhe zyrtarët e huaj nga qeveria shqiptare dhe janë angazhuar në luftë kundër opozitës, për shkatërrimin e saj.

Në raport përmendet edhe sanksioni "non-grata" i SHBA-së dhe padia për shpifje ndaj Sekretarit Amerikan të Shtetit, Anthony Blinken, në gjykatën e Parisit.

Sipas raportit, në dokumentet e dorëzuara, Home Office pranon se nuk ka mundur të provojë se Berisha ka lidhje me personin me precedentë penalë, Fation Dauti, me biznesmenin Damir Fazliç dhe me bandën e Elbasanit.

"Akuzat e Home Office për lidhjet e mia me korrupsionin bazohen tërësisht në trillime të qëllimshme të mediave të George Soros dhe kundërshtarëve të tjerë të mi politikë", thekson Berisha.

Kryedemokrati ngre akuzat se ambasadori britanik, Alastair King Smith ka kryer fushatë aktive kundër tij dhe ka mashtruar qeverinë britanike me dokumentet që i ka servirur asaj.

Në konkluzion, kreu i PD-së thekson në raport se: "Të gjitha dokumentet dhe provat që Home Office ka paraqitur për të mbështetur përjashtimin tim janë kryekëput të bazuara në shpifje, interpretime të pavërteta të artikujve të mediave të kontrolluara nga George Soros dhe akuza të pabaza të kundërshtarëve të mi politik. Ato në asnjë moment nuk provojnë asnjë lidhje me krimin dhe asnjë lloj shkelje ligjore, apo përfitim të paligjshëm nga unë, familjarët e mi, PD apo personat e tjerë që përmenden në to.

Ndaj, përjashtimi im është një rast klasik i përdorimit me sukses nga qeveria e Edi Ramës të korrupsionit transnacional, për të sanksionuar kundërshtarët politikë, shkatërruar opozitën dhe për të mbrojtur kësisoj, korrupsionin dhe lidhjet e tij dhe qeverisë së tij me krimin"./ CNA.al





Lajmet e fundit nga