web counter
LEXO PA REKLAMA!

SHKARKO APP

App Store
Google Play

Berisha "nuk i ndahet" Yuri Kim-it/ "Ishte mollë e kalbur, iku nga Shqipëria si sekretare e PS-së"

17 Korrik 2023, 12:59, Politikë CNA

Berisha "nuk i ndahet" Yuri Kim-it/ "Ishte mollë e kalbur,

Ndonëse Yuri Kim është larguar nga Shqipëria si ambasadore e SHBA-së, kryetari i PD-së, Sali Berisha, ka vijuar të hedhë akuza ndaj saj.

Në një deklaratë për mediat, ku foli për shpalljen "non-grata", Berisha përsëriti edhe njëherë pretendimet se Yuri Kim ka bashkëpunuar me qeverinë për të dëmtuar PD-në.

Ai e cilësoi ish-ambasadoren e SHBA-së si një mollë të kalbur, që sipas tij iku nga Shqipëria si një sekretare e PS-së.

"Këtë material po e publikoj se çdo shqiptar duhet të kuptojë se çfarë po ndodh me kombin e tij. Kushdo që do ta lexojë do kuptojë një të vërtetë të tmerrshme, e cila u pa qartë në shpërthimin e skandalit McGonigal, në grabitjen e vulës së PD-së në prag të zgjedhjeve me insistimin e McGonigalit me fustan, guvernatores Yuri Kim, kjo e vërtetë u pa në farsën elektorale të vitit 2023. Opozitës shqiptare po i bëhet një sulm i hapur për asgjësimin e saj.

Këtë sulm ndaj opozitës po e organizon vetë kryeministri Edi Rama dhe bashkë me të, mafia më e rrezikshme e planetit, mafia e Sorosit. SHBA dhe Britania nuk fshihen pas këtij sulmi. Këto shtete të mëdha, aleate të Shqipërisë, janë viktimë e disa mollëve të kalbura që kanë rënë në rrjetën e Sorosit si McGonigal apo Yuri Kim, që u largua nga Shqipëria si sekretare e PS", theksoi kryedemokrati./ CNA.al





Lajmet e fundit nga