LEXO PA REKLAMA!

SHKARKO APP

Dreka informale te Vila 30/ Rama mbyll takimin me liderët e rajonit

17 Korrik 2023, 16:13, Politikë CNA

Dreka informale te Vila 30/ Rama mbyll takimin me liderët e rajonit

Pak minuta më parë ka përfunduar takimi informal i kryeministrit Edi Rama me liderët e Ballkanit Perëndimor, i mbajtur në Vilën 30, në Tiranë.

Takimi u mbajt në kuadër të procesit të Berlinit.

Pjesë e takimit informal të Tiranës ishte edhe komisioneri i BE-së për zgjerimin dhe fqinjësinë, Oliver Varhelyi.

Pas takimit Rama ka postuar një foto në rrjetet sociale ku dhe shkruan se takimi konsistonte në “Planin e Ri të mbështetjes financiare dhe ekonomike të BE-së për Ballkanin Perëndimor”.

“Sot pas takimit informal mbi Planin e Ri të mbështetjes financiare dhe ekonomike të BE-së për Ballkanin Perëndimor, me Komisionerin e Bashkimit Europian për Zgjerimin dhe Fqinjësinë, Oliver Varhelyi Kryeministrin e Republikës së Malit të Zi, Dritan Abazoviç Kryeministrin e Maqedonisë së Veriut, Dimitar Kovacevski dhe Kryeministren e Republikës së Serbisë, Ana Brnabic", shkruan Rama.

Kryeministri i Kosovës, Albin Kurti, nuk mori pjesë pasi ndodhet në një konferencë, në Kretë të Greqisë./ CNA.al

Lajmet e fundit nga