Basha, me “udhërrëfyes”/ Nëse dyshoni për një figurë politike, shikojini pronat

17 Korrik 2023, 19:32, Politikë CNA

Basha, me “udhërrëfyes”/ Nëse dyshoni për

Lulzim Basha, personi i akuzuar nga politika për vilat që ka marrë nga oligarkët, ka nxjerrë një “udhërrëfyes” se si të zbulohet korrupsioni dhe krimi i një figure politike.

Basha fsheh pasuritë mbi 1 milionë euro/ Ku i zhduku vilat, apartamentet dhe diamantet?
21 Qershor, 09:56

Basha tregon se mënyra më e thjeshtë për të hetuar aferën e një politikani është të ndiqet paraja, të shihen shpenzimet dhe pronat e tij e të familjarëve të tij.

Ai thekson se ndjekja e parasë tregon se cili politikan është i pastër dhe cili jo. Madje ai sugjeron që të sekuestrohen pasuritë e politikanëve të korruptuar, duke e cilësuar si “thembrën e tyre të Akilit”.

Këtë “udhëzim”, Basha e jep në rrjetet sociale, ku ka publikuar foto nga një takim në Dibër.

Basha, me “udhërrëfyes”/ Nëse dyshoni për

“Fundi i pandëshkueshmërisë së korrupsionit dhe krimit në nivelet e larta është i vetmi fillim i vërtetë i ndryshimit të Shqipërisë.

Mënyra më e thjeshtë për të hetuar një çështje ku dyshohet se një figurë, në këtë rast politike është përfshirë në afera korruptive, ndiq paranë. Shiko çfarë shpenzon. Shiko pronat e tij dhe familjarëve të tij.

Ndiq paranë por dhe lidhjet me krimin është thelbi i vetting-ut të politikanëve. Vetëm kështu para shqiptarëve do të tregohet kush është i pastër e kush jo.

Dosja e Ahmetajt, ku shfaqej se si qeveria vepronte si organizatë kriminale, tregoi dhe njëherë se duhet një paketë ligjore radikale kundër krimit dhe korrupsionit qeveritar, duke i hequr çdo pengesë dhe dhënë mbështetje të pakushtëzuar SPAK, duke nisur me:

Hetimi i mashtrimeve me kontratat dhe fondet publike;

Hetimi pa asnjë përjashtim i kontratave koncesionare;

Hetimi i pasurive të çdokujt që është përfshirë në hartimin, miratimin dhe përfitimin e kontratave koncesionare, nga juristi i thjeshtë deri tek kryeministri;

Paratë që u janë vjedhur shqiptarëve dhe kanë përfunduar në llogari bankare, apo janë investuar kudo nëpër botë, duhet t’u kthehen shqiptarëve.

Ajo që i dhemb më shumë botës së krimit dhe të korruptuarve është sekuestrimi i pasurive”, shkruan Basha ndër të tjera./ CNA.al