web counter
LEXO PA REKLAMA!

SHKARKO APP

App Store
Google Play

E fundit!

x

Luli në vilat e Papulit, një histori që nuk po ndalet

8 Nëntor 2019, 09:40, Politikë CNA

Kryetari i Republikës së re, Lulzim Basha prej gati dy javësh është përfshirë një një skandal. Ai do të ishte një lajm kalimtar vetëm në rast se Lulzim Basha do të kishte thënë të vërtetën. Apo si një qytetar i zakonshëm, që ka një pasuri si ai të deklaruar 1.7 miliardë lekë, do të shkonte të blinte një vilë. Një godinë më të mirë për familjen e tij. Këtu nuk do të kishte asgjë të keqe.

Por, çfarë ka ndodhur?!

CNA.al dy javë më parë raportoi se Agron Papuli, një prej oligarkëve të akuzuar nga Lulzim Basha disa herë menjëherë sapo ishte bërë kryetar i PD-së, por prej më shumë se një viti Agron Papuli nuk zihej më në gojë, nuk përmendej më si emër nga Republika e re. Dhe befas një ditë, Lulzim Basha së bashku me familjen e tij zbarkon në një nga vilat e ndërtuara nga Agron Papuli, në Long Hill.

Prej dy javësh, Lulzim Basha nuk përgjigjet. Mediat pranë qeverisë përpiqen ta trajtojnë politikisht çështjen. Luli i quan ato akuza të kryeministrit.

Në fakt, të gjithë i janë shmangur të vërtetës, e cila është një dhe vetëm një. Faktet dhe provat ekzistojnë. Agron Papuli u sulmua egërsisht nga PD-ja dhe më pas u hesht.

Pse ndodhi kjo? Lulzim Basha nuk është përgjigjur.

A u bë oligarku burrë më i mirë dhe pse nuk ia përmend më ermin Lulzim Basha? Jo vetëm atij, por edhe disa oligarkëve të tjerë, të cilët paguajnë për shërbime kompaninë e kunatit të tij, që drejtohet nga bashkëshortja e Bashës. Për këtë kemi nxjerrë disa herë foto dhe materiale ekskluzive.

Sepse i gjithë skandali qëndron tek fakti se selia e Partisë Demokratike është kthyer në çetë e Republikës së re, duke u përdorur si bandë gjobash ndaj biznesit, për interesat personale të Lulzim Bashës.

Ky është thelbi i skandalit dhe jo fakti se ka apo s?ka një vilë Lulzim Basha. Sepse ai është një person i pasur. Thellohet skandali edhe më tej kur ai gënjen dhe thotë se e kam me qira, po ka rënë tërmeti, e kam katin me leje apo e kam pa leje, etj.

Këto janë stile të Rilindjes për të shpëtuar Lulzim Bashën nga akuza dhe nga thelbi i këtij skandali.

Ka një dhe vetëm një skandal moral, të cilin demokratët duhet ta shikojnë, ta kuptojnë dhe ta dëgjojnë. A është përdorur podium i selisë së PD-së për shantazh ndaj biznesit? Pse nuk përmendet Agron Papuli dhe oligarkët e tjerë? Klodian Allajbeu i Spitalit Amerikan, Vila Nushi i Çheck-up, Salillari i Rrugës së Kombit?

Pse nuk përmenden? A ka marrë zyra tek oligarkët firma e kunatit të tij, ku qëndron edhe bashkëshortja e Lulzim Bashës? A kanë kryer shërbime dhe kanë firmosur fatura oligarkët, për kompaninë e kunatit të Lulzim Bashës?

Dhe më në fund, Lulzim Basha hesht për një oligark që e ka sulmuar vazhdimisht dhe më pas hesht për një vilë të ndërtuar prej tij, që pretendon se e ka marrë me qira.

Këtë duhet të na tregojë Lulzim Basha dhe nuk duhet të fshihet as pas mediave të Rilindjes që po i dalin në krah, pasi Rama do ta mbrojë që të rrijë në krye të PD-së dhe të fërkojë barkun e të rrijë në pushtet. Dhe as se pse Luli ka ca halle.

Por, skandali është një dhe vetëm një. A është përdorur foltorja e PD-së për shantazhe dhe gjoba ndaj biznesit?!/ CNA.al

Dy vila për tâ??u tërhequr nga Teatri?

Skandali/ Vërtetohet me fakte, Lulzim Basha e përdor PD-në për gjoba ndaj biznesit dhe interesat e tij korruptive

Pse PD nuk flet më për Agron Papulin?

Basha gënjen publikisht/ “Po rikonstruktoj shtëpinë”, por ska leje dhe as punëtorë në objekt





Lajmet e fundit nga