web counter
LEXO PA REKLAMA!

SHKARKO APP

App Store
Google Play

E fundit!

x

PD denoncon skandalin e ri me koncesionet

7 Nëntor 2019, 20:11, Politikë CNA

Partia Demokratike ka denoncuar një tjetër aferë korruptive e qeverisë në lidhje me koncesionet.

Ka qenë pikërisht ish-deputeti i PD-së, Agron Shehaj, i cili përmes një postimi në rrjetet sociale shprehet se qeveria i ka shtuar vlerën e koncesioneve të laboratorëve  në 4 miliardë lekë në buxhetin e ardhshëm.

Sipas Shehajt një gjë e tillë është bërë në mënyrë jo transparente, pa asnjë shpjegim dhe në shkelje të ligjit.

Denoncimi i Shehajt:

Skandalet korruptive të Rilindjes nuk kanë të sosur. Ky është dokumenti zyrtar që tregon se në mënyrë të beftë, qeveria ka rritur faturën e koncesionit të laboratorëve me mbi 35 milionë euro pas tenderit.

Draftbuxheti i vitit 2020 zbulon se qeveria do të paguajë 12,8 miliardë lekë për koncesionin e laboratorëve. Oferta e deklaruar fituese në tender nga qeveria, ishte 9 miliardë lekë.

Skandali është akoma më i madh nëse konsiderojmë që ministria e Shëndetësisë ka deklaruar zyrtarisht që vlera e Koncesionit të laboratorëve ishte 9 miliardë (66 mln euro). Kjo vlerë është aprovuar edhe në ligjin e Buxhetin e Shtetit për 2018 dhe 2019.

Por pa asnjë shpjegim dhe në mënyrë krejtësisht jo transparente, vlera e Koncesionit sipas draftit të buxhetit, kalon nga 9 miliardë lekë që ishte, në 13 miliardë lekë, pra 4 miliardë lekë (gati 35 milionë euro) më shumë, pa dhënë asnjë shpjegim dhe në shkelje të ligjiit.

Koncesioni i laboratorëve është një aferë korruptive, jo vetëm për rritjen e vlerës prej dhjetëra miliona euro, por edhe për faktin që kompania që ka fituar tenderin, është e llojit Guackë dhe për të cilën është e pamundur të dihet kush janë pronarët.

Lejimi i pjesëmarrjes së kompanive Guackë në tenderat publike, është tregues i qartë i vjedhjes së parave publike nga qeveria shqiptare./CNA.al





Lajmet e fundit nga