E fundit!

11:38 Aktualitet

Dalin mesazhet/ Deputetët e PD-së kundër bojkotit të seancës në Kuvend

Vendimi i Partisë Demokratike për të mos marrë pjesë në se...

Gjetja e dosjeve hetimore në makinën e Prokurorit/ Kreshnik Spahiu: Shkelje ligjore

7 Nëntor 2019, 20:40, Politikë CNA

Ish kryetari i Aleancës Kuqezi, Kreshnik Spahiu, në një lidhje për emisionin ?Open? mbrëmjen e sotme ka komentuar deklaratat e fundit të prokurorit Arjan Ndoj përsa i përket atentatit të 6 ditëve më parë.

Sipas Spahiut, prokurori Ndoj ka dhënë disa deklarata kontradiktore, ku në fillim e mohon dhe më pas shprehet se është goditur për shkak të detyrës.

?Kemi deklarata konteradiktore. Fillimisht, Ndoj ka deklaruar se ai nuk ka qenë objekt i atentatit dhe më pas, pas arrestimit të Rrajës shprehet se është goditur për shkak të detyrës dhe jo si Arjan.

Ndoj është i qartë kur thotë se është goditur për shkak të detyrës. Kjo gjë do të thotë se është goditur për shkak të çështjeve që ai po heton. Kjo tregon se atentati ndaj tij është kryer për çështje të cilat ai ka qenë duke hetuar?, është shprehur Spahiu.

I pyetur nga Vasili se: ?A mundet një prokuror të lëviz me dosje të tilla në makinë??, Spahiu është përgjigjur se kjo nuk është ligjore, kjo është dhe arsyeja pse KLP ka kërkuar masë disiplinore dhe Prokurorja e Përgjithshme ka filluar hetimin në dy pista ndaj Prokurorit.

Megjithatë, sipas Spahiut, në këtë çështje jemi ende në kërkim të elementit, pra lidhjes së Redjan Rrajës, dentistit të burgut Krujë, me gjithë këtë situatë.

?Nuk është ligjore të dali një dosje që nuk e heton t?i si prokuror. Nëse Ndojit i gjenden dosje, të cilat nuk janë të tij, atëherë KLP ka të gjithë të drejtën që të marri masa administrative dhe ta proçedoj.

Dosjet që janë gjetur në makinë, unë nuk jam i sigurt nëse ato kanë qenë dosje të Skerdilajd Ikonomit apo nonjë dosje tjetër.

Pyetja që qëndron këtu është çlidhje kanë këto dosje të pronave dhe Skerdilajd Ikonomit me Rrajën, personi i arrestuar pak ditë më parë? Pra jemi në kërkim të elementit.

A është ky person, pra Redjan Rraja pjesë e një bande kriminale, është ai vrasës i porositur me pagesë apo e ka kryer një akt të tillë për çështje civile, për konflikt civil??, ka përfunduar Spahiu./CNA.al