web counter
LEXO PA REKLAMA!

SHKARKO APP

App Store
Google Play

E fundit!

x

Vilat luksoze të Bashës te kompleksi i njohur/ Spiropali: Inspektoriati i Pasurisë dhe SPAK të merren me këtë histori

3 Nëntor 2019, 14:48, Politikë CNA

Ministrja e Shtetit për Marrëdhënie me Parlamentin Elisa Spiropali ka reaguar pas lajmit se kryedemokrati Lulzim Basha ka ndërruar banesë duke shkuar në një nga rezidencat luksoze të Long Hill ndërtuar nga Gon Papuli.

Përmes një videomesazhi, Spiropali deklaron se Basha u ankua se historia e vilave të tij qenka sajuar nga qeveria. Ajo sqaron qeveria nuk ka kohë të merret me Bashën, por Inspektoriati i Lartë i Deklarimit të Pasurive sot, si dhe SPAK-u nesër duhet të merren me këtë histori.

?Në të vërtetë, qeveria s?ka kohë të merret me Lulzim Bashën, por Inspektoriati i Lartë i Deklarimit të Pasurive sot, si dhe SPAK-u nesër duhet të merren me këtë histori tipike për njeriu që është bërë simbol i asaj shprehjes ?beni si them unë, mos bëni si bëj unë?, shprehet Spiropali.

Mes të tjerash ministrja thotë se politikisht Basha nuk e ka problem të bjerë në gropë e të bërtasë ‘Fitore’, ndërsa ligjërisht do ta ketë shumë më të vështirë ta kalojë historinë e dy vilave, atë gjysmë milion dollarë të pajustifikuar.

Fjala e plotë:
Lulzim Basha u ankua se historia e dy vilave të tij na qenka sajuar nga qeveria.
Tani, imagjinoni Edi Ramën, a kë të doni nga rradhët tona, që thotë më zuri frika nga tërmeti dhe ika mora dy vila me qira në një nga zonat më të shtrenjta të Shqipërisë.
Parafytyrojeni vetë tani se çfarë cikloni balte do të kishte rënë mbi Shqipëri dhe çfarë do kishin nxjerrë nga grykat tërë murtajat e opozitës, duke nisur nga gryka e Lulzim Bashës. Por më e bukura është se askush nga qeveria, por as nga Partia Socialiste s?ka thënë akoma asgjë për dy vilat e Lulzim Bashës, ndërkohë që Lulzim Basha akuzon qeverinë, se e ka sajuar këtë histori.
Por çfarë ka sajuar qeveria? Tërmetin që paska lëkundur e trembur aq shumë Lulin sa të ikë nga një apartament e të marrë dy vila?
Apo mos vallë ka sajuar qeveria faktin se Luli qenka i vetmi që e paska tronditur tërmeti dhe ia paska bërë të pabanueshëm tripleksin e tij mbi një pallat ku s?ka asnjë shenjë tërmeti?
Ose pastaj qeveria ka sajuar faktin që Luli merr dy vila me qira tek lagjja ekskluzive e ndërtua nga njeru që vetë Luli e ka bërë copë e çikë si oligark, ndërkohë që nga ana e tij Luli s?tregon asnjë kontratë qiraje.
Në të vërtetë, qeveria s?ka kohë të merret me Lulzim Bashën, por Inspektoriati i Lartë i Deklarimit të Pasurive sot, si dhe SPAK-u nesër duhet të merren me këtë histori tipike për njeriu që është bërë simbol i asaj shprehjes ?beni si them unë, mos bëni si bëj unë?./CNA.al





Lajmet e fundit nga