E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

“Nostre Dramë de Tirana”/ Berisha akuza qeverisë: Neronët e babëzisë duan të rrafshojnë Teatrin

2 Nëntor 2019, 17:43, Politikë CNA

Një mënyrë tepër ndryshe nga herët e tjera është zgjedhur nga artistët për të protestuar mbrëmjen e sotme kundër shembjes së Teatrit Kombëtar.

Piktori i njohur Avni Delvina ka vendosur të mbajë ekspozitën e tij dedikuar pikërisht mbrojtjes së teatrit. Ekspozita e titulluar ?Nostre Dramë de Tirana?, e cila ka në thelb qëndresën e artistëve, ka ngjallur kërshërinë jo vetëm të publikut të thjeshtë dhe artistëve, por edhe disa figurave politike.

Nga ambjentet e Teatrit Kombëtar, ish kryeministri, Sali Berisha teksa i bën thirrje kujtdo për të vizituar këtë ekspozitë qëndrese, e cila sipas tij demostron fuqinë magjike të artit, ka vlerësuar së tepërmi punën e Delvinës.

Po ashtu, Berisha nuk ka lënë pa hedhur akuza mbi kryebashkiakun Erion Veliaj dhe kryeministrin Edi Rama, si përgjegjësit kryesor, të cilët përmes kompanisë Fusha po kërkojnë të groposin historinë e artit teatral kombëtar.

?Ekspozita e sotme demostron fuqinë magjike të artit, fuqinë eprore në mbrojtje të vlerave më të çmuara

Avni Delvina me këto tablo të paraqitura ka bërë një sintezë të artit botëror në mbrojteje të vlerave të teatrit.

Teatri është vlerë e popullit, është simbol kombëtar të cilin duan ta rrafshojnë neronët e babëzisë dhe të korrupsionit.

Është një foto aty, pa fytyra që kanë maska eurosh dhe që mbajnë kufomën e tij. Ajo është padiskutim një nga tablot më mbresëlënëse.

Ju ftoj të shikoni ekspozitën që në rrafshin e mesazheve dhe të misionit piktori ynë i njohur Avni Delvina ka bërë në mbrojtje të kësaj ndërtese që është një nga elementët më të rëndësishëm të historisë së këtij kombi.

Siç e dini, Edvin Mafia dhe Lal Plehu kanë gjetur edhe një mercenar siç është ?ligj Fusha? për të groposur këtu historinë e artit teatral kombëtar.

Më vjen shumë mirë që zoti Delvina, pavarësisht se nuk është artist skene ka derdhur gjithë gjeninë e tij vlerësuese me këtë ekspozitë të jashtëzakonëshme që ka bërë sot?, ka deklaruar Berisha nga ambientet e Teatrit Kombëtar./CNA.al