web counter
LEXO PA REKLAMA!

SHKARKO APP

App Store
Google Play

Përçarja e grupit parlamentar Demokrat/ Rudina Hajdari shuan zërat

2 Nëntor 2019, 18:45, Politikë CNA

Deputetja Rudina Hajdari, teksa ka folur për përlasjet mes grupit parlamentar Demokrat, është shprehur se këto debate mund të ishin evituar.

Sipas Hajdarit, deputetë të tjerë shprehën dëshirën për t?ju bashkuar grupit demokrat dhe kjo tregon se grupi po forcohet akoma më shumë duke lënë pas të gjitha konfliktet.

?Ajo çfarë ka ndodhur brenda grupit demokrat mendoj ishte një problem që mund të ishte evituar shumë kollaj, sepse nuk është e nevojshme që ne të kemi kështu përballjesh.

Kemi një raport normal, por nuk kam pse të fsheh faktin që kemi patur debate me njëri tjetrin, janë gjëra krejt normale. E kam thënë edhe në një konferencë për shtyp. Jemi një grup që kemi ardhur nga një listë që pak a shumë kemi dalë kundër frymës së partisë sonë edhe kjo tregon që kemi karakter të fortë. Por mendoj se deputetët që janë në Kuvend të grupit demokrat më kanë zgjedhur që t?i përfaqësoj që prej fillimit. Ata shprehën vetë dëshirën e tyre për të më caktuar si kryetare të grupit parlamentar. Ishte dëshira e tyre dhe unë në asnjë moment nuk e shpreha një ambicie të tillë. Dhe gjatë kësaj periudhe patjetër që kam patur ngarkesë etj. Por nga ana tjetër jam munduar t?i takoj dhe t?i përfaqësoj ashtu siç ata kanë patur nevojë dhe siç ata e meritojnë.

Sa i takon marrëdhënies e saj me Korab Litën, Hajdari tha se mes tyre ka komunikim dhe se ka sheshuar debatet me të.

?Patjetër që kemi komunikim, por unë nuk mund të parashikoj se çarë mund të ndodhë në të ardhmen. Unë mund të them nga ana ime që nga ana ime nuk do të ketë absolutisht asnjë lloj debati.? tha Hajdari në News24./CNA.al





Lajmet e fundit nga