web counter
LEXO PA REKLAMA!

SHKARKO APP

App Store
Google Play

"Ekspozitë që frymëzon”/ Kryemadhi: Arti i pastër i Avni Delvinës përballë barbarëve

3 Nëntor 2019, 08:04, Politikë CNA

Ekspozita e piktorit të njohur Avni Delvina e titulluar ?Nostre Dramë de Tirana?, pra ?Drama Jonë në Tiranë?dedikuar pikërisht mbrojtjes së teatrit, veç artistëve, artëdashësve ka mbledhur bashkë edhe politikën mbrëmjen e djeshme.

E pranishme në ekspozitë, Kryetarja e LSI, Monika Kryemadhi është shprehur e frymëzuar nga arti i Delvinës, teksa shton se vlerëson vlerat dhe jo autokratët në qeveri, që duan të shembin çdo vlerë të artit, duke shkatërruar Teatrin Kombëtar.

Postimi i Monika Kryemadhit:

Një ekspozitë që të frymëzon. Në tablotë e krijuara me aq dashuri, vërtetësi dhe të ndërthurura me simbolika aq të veçanta, që vetëm një mjeshtër si Avni Delvina mund t?i japë jetë! Një ekspozitë ku beteja e sotme për teatrin thërret historinë e përbashkët në mbrojtje të vlerave. Kjo nuk është betejë vetëm për një godinë dhe historinë e saj. Kjo është kthyer në një kauzë të qytetarëve përballë barbarëve.

Kjo është kauza e vlerave përballë antivlerave.

Kauza e patriotëve përballë qeveritarëve që për karrigen janë gati të shesin jo vetëm pronën publike, por edhe trojet e shqiptarëve.

Kjo është kauza e njerëzve të lirë përballë autokratit të pashpirt!

Kjo është kauza e identitetit kombëtar përballë oligarkisë qeverisëse, që për fitimet e ditës janë gati të shkatërrojnë historinë e kombit!

Kjo është kauza e dinjitarëve përballë hileqarëve dhe të shiturve për pesë aspra!

Faleminderit Avni Delvina për këtë inspirim që na solle me artin tënd të mrekullueshëm!

Në foto me artistin e madh z. Avni Delvina, organizatoren e ekspozitës znj. Adriana Kalaja dhe znj. Nora Malaj./CNA.al





Lajmet e fundit nga