LEXO PA REKLAMA!

SHKARKO APP

Denoncimet dhe akuzat e PD-së së Berishës/ “Në Lezhë u blenë votat me 600 euro”

18 Korrik 2023, 12:21, Politikë CNA

Denoncimet dhe akuzat e PD-së së Berishës/ “Në

Deputetja e PD-së, Lindita Metaliaj, në konferencën e organizuar nga PD ku kanë paraqitur Raportin Final me evidentimin e shkeljeve gjatë zgjedhjeve të 14 majit në Bashkinë Lezhë dhe Kurbin ka deklaruar se në Lezhë janë blerë votat me 600 euro.

Sipas saj në vend nuk mund të ketë zgjedhje sa kohë Shqipëria drejtohet nga kryeministri Edi Rama duke e quajtur kështu qeverinë një organizatë kriminale.

Metaliaj thekson se, disa nga shkeljet ligjore gjatë zgjedhjeve të 14 majit janë abuzimet me fondet, punësimet elektorale, asfaltet elektorale të cilat përbëjnë vepra penale.

"Për sa kohë vendi drejtohet nga kreu i organizatës kriminale të rilindjes Edi Rama në këtë vend nuk mund të ketë zgjedhje të ndershme. Tashmë shitblerja në këtë vend është shndërruar në institucion dhe vota në ditët e fundit arriti në Lezhë deri në 600 euro. Erdhën me tallava, mbollën tri pemë dhe pa program e pa asnjë vizion për Lezhën. Shteti ligjor është shndërruar në mafie e mafia në shtet. Shkeljet ligjore janë abuzime me fondet, punësime elektorale, asfalte elektorale dhe këto përbejnë vepra penale. Kërcënime për heqjen e ndihmës ekonomike, punësime elektorale, përdorim i administratës në fushatë", tha Lindita Metaliaj./ CNA

 

 

Lajmet e fundit nga