web counter
LEXO PA REKLAMA!

SHKARKO APP

App Store
Google Play

E fundit!

x

Balla u “tërheq veshin” drejtuesve të policisë në Tiranë: Të çohet përpara revolucioni digjital në Policinë e Shtetit

26 Korrik 2023, 12:33, Aktualitet CNA

Balla u “tërheq veshin” drejtuesve të policisë

Ministri i Brendshëm, Taulant Balla, ka vijuar turin e takimeve me drejtues në Drejtoritë Vendore të Policisë Tiranë.

Balla ka kërkuar që të shtohen përpjekjet për më shumë rezultate dhe siguri në vend.

Duke pasur paarsysh se jemi në pikun e sezonit, Balla ka urdhëruar që policia e rendit dhe ajo rrugore, të jenë më prezentë në territor për të ndihmuar dhe parandaluar çdo incident.

Gjithashtu ka theksuar se revulocioni digjital në Policinë e Shtetit duhet të çohet përpara me një ritëm dhe efikasitet shumë më të lartë.

 “Revolucioni digjital në Policinë e Shtetit do të duhet të çohet përpara me një ritëm dhe efikasitet shumë më të lartë se deri tani dhe Komisariati Digjital do të marrë një peshë dhe rëndësi të dorës së parë. Ai aplikacion duhet të jetë porta ku çdo qytetar jo vetëm mund të hyjë nga çdo smartfon apo kompjuter, por edhe të marrë përgjigje të shpejtë, jo vetëm me fjalë në të gjitha rastet, por edhe me vepra në çdo rast që ankesa është e drejtë”, theksoi Balla.

Ministri u “tërhoqi veshin” drejtuesve të policisë për të rritur gamën e shërbimeve që u ofrohen qytetarëve "online".

“Në kohën kur qeveria po punon për të futur inteligjencën artificiale në platformën e-albania, në procesin e Integrimit Evropian, në procesin e tenderimeve publike dhe të tjerë sektorë dhe kur dikastere të ndryshme kanë bërë kapërcime të mëdha në rrugën e Revolucionit Digjital, Policia e Shtetit nga një pararojë e digjitalizimit sot ka mbetur pas”, nënvizoi Balla.





Lajmet e fundit nga