E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ushtar Bollino në sulm për Veliajn, “figurë e fuqishme e PS”

25 Korrik 2023, 19:32, Aktualitet CNA

Ushtar Bollino në sulm për Veliajn, “figurë e fuqishme e

Tani që kanë shpartalluar përfundimisht opozitën, gazetarët e oborrit janë futur në garë se cili mban më shumë anë në luftën e brendëshme në PS. Nuk kishte surprizë se italo – shqiptari Karlo Bolino do të zgjidhte Erion Veliajn. Dhe pikërisht në ditët e tij më të vështira, pikërisht kur emri i del i njollosur në dosjen e SPAK për inceneratorin e Tiranës. Këtë impikim e bëri të ditur edhe një media që për kolegët e vet quhet serioze, por për PD-në e Berishës konsiderohet si sorosiane, agjensia BIRN. Ajo botoi një artikull që i referohej dosjes së SPAK, sipas të cilit Veliaj është i përfshirë edhe si nismëtar edhe si nxitës edhe si financues i inceneratorit të Mërtirit, Zotos dhe Gugallës.

Pikërisht në këtë kohë, kur kryebashkiaku i Tiranës ka më shumë nevojë, Bolino ka vendosur ti vërë gjoksin lartësimit të figurës së tij. Këtë nuk po e bën vetëm duke i kërkuar llogari organizatave ndërkombëtare të lirisë së shtypit, që etiketohen tek Shqiptarja.com si berishiste, pasi kritikojnë sjelljen e Veliajt me gazetarët. Këtë mision e ka marrë përsipër duke e shpallur personalisht Lalin si “një figurë e fuqishme në brezin e ri të socialistëve”.

Në një kolumne ku analizonte rezultatin e zgjedhjeve të përsërituara në Rogozhinë dhe humbjen e thellë të opozitës Berisha-Meta, Bolino kishte gjetur rastim të shpallte dhe Veliajn “figurë të fuqishme”. Aq me shpejtësi dhe urgjencë e kishte bërë, sa në shkrimin që si gjithmonë ai e shkruan fillimisht në gjuhën e nënës, përkthyesi nuk kishte pasur kohë që fjalën “area” ta përkthente në shqip në rajon apo “zonë”.

Ushtar Bollino në sulm për Veliajn, “figurë e fuqishme e

Në artikull Bolino shpjegonte se Berisha dhe Meta janë humbës kronikë që elektorati nuk i do, pa u lodhur të hulumtojë se si ndryshuan afro 2 mijë vota në dy muaj. Ai shkruante: “Kjo, pa i hequr asnjë meritë triumfit personal të Erjon Veliajt, i cili e drejtoi vetë në Rrogozhinë fushatën zgjedhore, duke shpartalluar edhe këtë herë “Bashkë fitojmë” ne zonën qe drejton dhe duke u rikonfirmuar një figurë e fuqishme në brezin e ri të socialistëve”.

Opozita në vend i ka denoncuar gjithnjë si të dyshimta lidhjet e Bollinos me Veliajn duke botuar herë pas herë edhe foto të tyre familjarisht duke vizituar Alberobello, në “area” të Puljes. Në fund para fushatës edhe rivali i Veliajt, Belind Këlliçi akuzoi Veliajn se qëndronte pas financimit të dyshimtë që Klodian Zoto i inceneratorit të Tiranës i pati bërë Report TV dhe Shqiptarja.com para zgjedhjeve të vitit 2021. Sepse mediat e Bollinos janë nga ato që kanë marrë reklamë nga një kompani korruptive, e cila operonte pa konkurencë në treg.

Por, të gjitha këto janë thjesht akuzat e opozitës. Tani, kur kjo e fundit është e pashpresë, loja po luhet për ekuilibrin e forcave brenda shumicës qeverisëse. Dhe në këtë lojë, Veliaj tani ka më shumë nevojë se kurrë, pasi i ka dalë emri në dosjen e SPAK për inceneratorin. Prandaj dhe ushtari italo-shqiptar Bolino është hedhur në sulm duke shfrytëzuar si pretekst Rogozhinën, për ta shpallur atë “një figurë të fuqishme në brezin e ri të socialistëve”./Lapsi.al/