web counter
LEXO PA REKLAMA!

SHKARKO APP

App Store
Google Play

Thellimi i përçarjes së PD-së së vulës/ Lubonja: Tragjikomedi, secili po shikon dyqanin e tij

25 Korrik 2023, 17:08, Aktualitet CNA

Thellimi i përçarjes së PD-së së vulës/ Lubonja:

Analisti Fatos Lubonja, e ka quajtur një tragjikomedi situatën në PD e vulës.

Për Lubonjën çështja e vulës tashmë është kthyer në një dyqan ku gjithsecili po sheh fitimet e tij.

Sipas tij loja që po bën sekretari i Përgjithshëm Gazment Bardhi tregon se edhe po mundohet të qëndrojë në politikë.

Analisti thekson se secili prej tyre po përpqiet për interesat e tij dhe duket se nuk janë të zotët për të bërë punë tjetër.

“Tragjikomedi situata në PD. Ngjarjet në PD janë problem edhe i Shqipërisë. Përshtypja ime ka qenë që Bardhi është njeri i afërt me Bashën, por prishjen  e marrëdhënieve mund të them se ndoshta nuk e priste kthimin e Bashës. Në analizën e tij thotë se me Bashën PD nuk ka asnjë shans. Por për ndarjen e partisë janë të gjithë përgjegjës. Besoj se edhe pse pa ditur detaje, në thelb shihet paaftësia për t’u bërë bashkë përtej interesit personal.

Për mua që kur është bërë ballafaqimi i dy Këshillave Kombëtare, u pa se kush kishte mazhorancën dhe kush jo. Basha ishte përjashtuar nga partia. Mbledhja e thirrur nga Bardhi, ndoshta është një shantazhim, një lojë që bën Bardhi. Një lojë siç e bën Basha, me pretendimin për të qëndruar në politikë. Politikën këta e kanë bërë si dyqan për të nxjerrë fitime. Dikush e ka më të madh, dikush më të vogël. Tani edhe Bardhi thotë edhe unë dua të rri në politikë, ka hallin e dyqanit të vet, këta duket sikur nuk janë të zot për të bërë punë të tjera”, u shpreh ai./ CNA





09:32 Aktualitet

Bie "Panorama TV"

Irfan Hysenbelliu, njeriu që ka shpallur veten si “Berluco...

Lajmet e fundit nga