E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Pse na duhet akoma Lulzim Basha?

26 Korrik 2023, 16:31, Aktualitet CNA

Shumica e shqiptarëve nuk po çuditen më me veprimet e Lulzim Bashës, nuk po çuditen më me reagimet rreth tij, por ajo që ka ngelur thjesht dhe si habi është fakti si ka ende njerëz që besojnë se Lulzim Basha mund të ndryshojë, mund të jetë një lider, mund të jetë fitues, mund të jetë besnik, mund të mbajë fjalën, mund të sjellë ndryshimin dhe mund të zhvillojë një parti politike për ta zmadhuar dhe për ta sjellë atë në pushtet .

Prandaj na duhet ende Lulzim Basha, që një tufë gomerësh që kanë ngelur ende pas tij, duke menduar se Luli nga një sharlatan politik do të bëhet një yll, na duhet edhe pak kohë sa edhe këta ta kuptojnë.

Shumica e kanë kuptuar se e ka nga inati me Berishën, disa e kanë nga inati me Gaz Bardhin, disa të tjerë me deputetë të PD-së e të tjera si këto, por koha na ka treguar shumë për Lulzim Bashën.

Na ka treguar se si erdhi në krye të PD-së në vitin 2013, kuptohet, fajin e ka Sali Berisha.

Për sjelljen e Lulit në 2005-ën, për mbajtjen e tri posteve ministrore, për vendin në krye të bashkisë së Tiranës, për përfshirjen e tij në skandale korruptive, për mbylljen e dosjeve të Lulit për suportin si kryetar i PD-së, për mbështetjen kur Basha humbte, për shkatërrimin që i bënte Luli dhe mbështetjen që i jepte Berisha, patjetër që fajin e ka ky i fundit.

Por të besosh në 2023-shin ende te Luli është thjesht dhe vetëm naivitet, budallallëk, injorancë dhe paaftësi për t’u kuptuar nga politika. Militantizmi është një pjesë e PD-së, pa diskutim, apo e partive të tjera politike, por nuk mundet kurrsesi që njerëzit të vazhdojnë dhe të besojnë tek e ardhmja e Lulzim Bashës që vjen si yll me Jemin Gjanën.

Tkurret lista e anëtarëve të PD-së së vulës/ Braktisen masivisht nga demokratët
25 Korrik, 11:41

Ku është katandisur PD-ja, ajo e vulës, ajo e Saliut!

Kjo që ka vulën tani ka problemet e saj, ka ngelur me shumë pak deputetë. Gazment Bardhin po e përjashtojnë, po i marrin firmën, s’po e njohin për sekretar të përgjithshëm, edhe pse nuk ka shkuar te Berisha dhe nuk është me të, por po kërkon të ruajë disa parime të tijat, po kërkon të mbrojë statutin e PD-së, të ndjekë një rrugë ndryshe të PD-së, të jetë mbi palët. E në këtë rast përjashtohet sepse Luli do të bëhet kryetar i PD-së, nuk do të bashkohet PD-ja, do të mbajë vulën, do të rrijë atje 3%, 5%, për të realizuar ëndrrën e tij në vitin 2017.

Pse na duhet akoma Lulzim Basha?

Për të ardhur në qeveri me Edi Ramën. Ndoshta për këtë arsye e mbështesin disa militantë, të cilët mendojnë e shpresojnë se Luli mund t’i sjellë në pushtet me 5% me 7%. Le të jenë sadopak atje, por nesër do të jenë në qeveri me Edi Ramën. Do të vjedhin në rast se Rama nuk ka shumicën me Lulin, me qeverinë dhe hajdutët që ndjekin nga pas infantilët, budallenjtë, por nuk e di që Luli i lëshon siç po i lëshon Rama të tijtë dhe mund të jenë kufoma politike të rrugës apo në lista prokurorish dhe SPAK-u me pranga nëpër duar.

Prandaj na duhet Luli, që të shikojmë edhe këtë skenarin e dytë, pra vajtjen e tij me Ramën dhe kufomat politike që e ndjekin nga pas me pranga në duar në rresht te SPAK-u apo Prokuroria për të mbushur burgjet dhe për të luftuar “korrupsionin” me viktima politike, të cilat nuk janë gjë tjetër, por thjesht dhe vetëm një tufë të marrësh që nuk kuptojnë se çfarë ndodh dhe ndjekin nga pas Lulin, i cili do të bëhet kryetar i PD-së me votën e tij, të Jemin Gjanës dhe të kunatit që e ka futur në listat e votuesve./ CNA