LEXO PA REKLAMA!

SHKARKO APP

CNA e paralajmëroi/ Basha bën gati rikthimin

22 Maj 2023, 17:24, Politikë CNA
CNA e paralajmëroi/ Basha bën gati rikthimin
Lulzim Basha

Lulzim Basha, kryetari i dorëhequr i PD-së, i cili rezulton të jetë në detyrë në gjykatë, po bën gati rikthimin në Partinë Demokratike.

CNA ka mësuar se njeriu që ka marrë peng vulën e PD-së, po bëhet gati të zhvillojë një tur takimesh dhe analizash.

Lëvizja e parë e Bashës sot ishte ndryshimi i fotos së kopertinës në Facebook-un e tij, ku vuri logon e PD-së së vulës.

CNA e paralajmëroi/ Basha bën gati rikthimin

Këtë rikthim, CNA e kishte paralajmëruar edhe më parë. Luli po shpreson të rikthehet në krye të PD-së duke mbajtur vulën, megjithëse nuk ka as 5% të votave dhe këtë e treguan fare qartë zgjedhjet vendore të 14 majit.

PD-ja e tij u braktis masivisht nga qytetarët dhe në disa qytete dilte edhe forcë e shtatë apo e tetë në zgjedhjet për këshilltarët, ndërsa nuk fitoi as edhe një bashki.

Luli bëri gjoja sikur u largua nga Partia Demokratike, punoi për humbjen e opozitës dhe shkatërroi strukturat me qëllim që të rikthehej për të shpëtuar PD-në nga katastrofa.

Basha kujton se me largimin disa muaj gjithçka do të harrohet. Ai kërkon të rikthehet në krye të PD-së pas skandaleve të tij, për të vazhduar dhe ngritur bizneset e tij dhe të familjarëve.

Rikthimi i Bashës dhe lëvizja e tij vijnë menjëherë pas takimit të fshehtë me kreun e Grupit Parlamentar të PS-së, Taulant Ballën.

Kujtojmë se CNA e kishte paralajmëruar këtë skenar që në 14 mars. Me një shkrim, CNA tregonte tentativën e Lulit, një humbës serial në politikë, për të rimarrë drejtimin apo për t’u shfaqur si kreu zyrtar i PD-së.

Basha do të fajësojë Enkelejd Akibeajn dhe Sali Berishën për humbjen në zgjedhje për tu shfaqur si misionar i paqeje me mesazhe bashkëpunimi dhe faljeje.

Dhe ky skenar tashmë po del haptazi pas dorëheqjes së Enkelejd Alibeajt dhe komandimit të Gazment Bardhi në krye të PD-së.

Basha po bën gati rikthimin fill pas humbjes së thellë në zgjedhje, duke kryer tentativa për të marrë në shtator drejtimin e PD-së./ CNA.al

Lajmet e fundit nga