web counter
LEXO PA REKLAMA!

SHKARKO APP

App Store
Google Play

E fundit!

x

“Nuk u ngarkuan me turpin e votës për ‘Like Floririn’”/ Rama falënderon qytetarët në Mat dhe Klos

22 Maj 2023, 16:41, Politikë CNA
“Nuk u ngarkuan me turpin e votës për ‘Like
Kryeministri Edi Rama

Kryeministri Edi Rama ka vijuar turin e takimeve qytet më qytet, pas fitores së 53 bashkive në zgjedhjet vendore të 14 majit.

Pasditen e sotme, Rama u ndal në Mat dhe Klos. Kreu i qeverisë falënderoi qytetarët që i besuan votën në këto zgjedhje, ndërsa tha se tashmë i takon PS-së të bëjë punën e saj.

“Nuk kemi ardhur për t’ju kërkuar vota, por për t’ju falënderuar. Ju e bëtë detyrën tuaj, tani na takon neve të bëjmë tonën që këtë besim t’ua kthejmë në punë të mira dhe mirësi dhe mbarësi për komunitetin tuaj. 

Shpeshherë dikush pëlqen t’i bjerë shkurt, të thotë se vota nuk ka vlerë, por besoj se edhe këtu në Mat ashtu si në vende të tjera, kushdo që sheh me sytë e tij, i ka të gjitha mundësitë për të kuptuar se e kundërta është e vërtetë. Politika vlen dhe vota vlen, nuk janë të gjithë njësoj. E vërteta është që gjërat kanë ndryshuar dhe besoj se në këtë votë kaq plebishqiptare për PS-në është konfirmimi i besimit”, u shpreh ai.

Kryeministri “shigjetoi” opozitën, teksa deklaroi se qytetarët që nuk votuan nuk e ngarkuan traditën e tyre të djathtë me turpin për votën e Ilir Metës.

“I falënderoj edhe ata që nuk kanë dalë në votim, sepse nuk e ngarkuan traditën e tyre të djathtë me turpin për votën e një vote për 'Like Floririn', duke u hequr një votë atyre që dolën për t’i tërhequr zvarrë pas problemeve të tyre personale.

Ky nuk është rezultat i mirë për PS-në, është rezultat i jashtëzakonshëm për Shqipërinë. Është përmbysje ngjyrash në hartë, ta kthejmë përmbysje në ekonomi, në të gjitha”, theksoi Rama./ CNA.al





Lajmet e fundit nga