web counter
LEXO PA REKLAMA!

SHKARKO APP

App Store
Google Play

Denoncon PD/ “Manipulime me rezultatin dhe shkelje në procesin zgjedhor në Elbasan”

21 Maj 2023, 10:29, Politikë CNA

Denoncon PD/ “Manipulime me rezultatin dhe shkelje në procesin

Partia Demokratike vijon me denoncimet mbi shkeljet në procesin zgjedhor të 14 majit.

Kryetari i Komisionit Zonal të Administrimit të Zgjedhjeve (KZAZ) nr. 47 të Bashkisë Elbasan ka denoncuar se janë kryer praktikta të dyshimta që ngrenë shqetësimin se janë bërë manipulime të rezultatit në procesin zgjedhor në Bashkinë e Elbasanit.

“Jam këtu në cilësinë e kryetarit të Komisionit Zonal të Administrimit të Zgjedhjeve (KZAZ) nr. 47 të Bashkisë Elbasan, për të denoncuar parregullsitë dhe shkeljet e vërejtura në të gjitha etapat e procesit zgjedhor në këtë KZAZ. Konkretisht:

Nga Komisionet e Qendrave të Votimit janë dorëzuar në KZAZ 47, 72 pajisje elektronike të votimit dhe numërimit (PENV), pa vulë sigurie, shkelje e rëndë kjo e pasqyruar në pr verbalet përkatëse të dorëzuara në KQZ.

Komisioni Zonal i Administrimit Zgjedhor nr. 47, ka certifikuar rezultatin e nxjerrë nga operatorët, të cilat janë depozituar në Komisionin Qendror te Zgjedhjeve KQZ.

Ditën kur janë dorëzuar tabelat e rezultateve dhe tabelat përmbledhëse në KQZ, na është kërkuar që të plotësojmë tabela të tjera me rezultate të ndryshme nga ato që Pajisjet e Votimit kanë printuar dhe ne i kemi certifikuar më parë për Qendrat e Votimit Nr. 2481/1 dhe 2483. Pretendimi i tyre ka qenë sepse pajisja e dorëzuar ka të dhëna të tjera nga ato që ne kishim certifikuar me Vendim unanim të KZAZ 47. Kjo është një pikëpyetje shumë e madhe që ngre shumë dyshime.

Unë dhe komisionerët e opozitës kemi refuzuar me arsyetimin se nuk mund të nxirren tabela rezultatesh te ndryshme për të njëjtën QV, duke i kërkuar KQZ-së që ata të korrigjojnë tabelat finale bazuar edhe në Kodin Zgjedhor.

Nga KQZ më është bërë presion disa herë dhe disa ditë rrjesht për t’i miratuar tabelat e tyre, deri edhe me ndjekje penale.

Denoncoj këto praktika të dyshimta, që vënë në pikëpyetje të gjithë procesin dhe ngrenë dyshime për devijim dhe manipulim të rezultatit zgjedhor në Bashkinë Elbasan”, denoncon PD./ CNA.al





Lajmet e fundit nga