web counter
LEXO PA REKLAMA!

SHKARKO APP

App Store
Google Play

E fundit!

x

PSD, rezultat surprizues në zgjedhje/ Berisha ngre akuza: Bleu vota

20 Maj 2023, 13:35, Politikë CNA
PSD, rezultat surprizues në zgjedhje/ Berisha ngre akuza: Bleu vota
Kryetari i Partisë Demokratike, Sali Berisha

Partia Socialdemokrate pati një rezultat surprizues në zgjedhjet vendore, pasi fitoi dhjetëra këshilltarë bashkiakë, ndërsa në disa bashki fitoi edhe më shumë mandate se PD-ja e Bashës, apo ajo e drejtuar nga Sali Berisha.

Lidhur me këtë rezultat foli ditën e sotme edhe Berisha, i cili ngriti akuza ndaj Tom Doshit, kreut të PSD-së. Sipas tij, Doshi ka shpërndarë para për të blerë vota.

“Por kemi një fakt kësaj herë. Dushkun Doshi. Tek po vija këtu, një aktiviste më shkruan nga Peshkopia, se këtu në rrethin tonë, një parti pa seli, pa kryetar dhe pa anëtar, ka fituar 6 këshilltarë me faktin e vetëm se Doshi ka sjellë thasët me para dhe ka shpërnda thasët me para.

Ajo nuk e ka bërë këtë vetëm në Peshkopi. Në këto zgjedhje ai ka marrë mbi 200 mijë vota, pa mbajtur njëherë të vetme një fjalim, pa bërë një herë të vetme një takim, pa paraqitur kurrë në jetën e tij një program, përveç aleancës me Edi Ramën dhe Lulzim Bravën, i cili i dha me firmë të njerëzve të tij, komisionerët dhe numëruesin në një shumicë bashkish të vendit.

Ne po bëjmë një analizë shumë serioze në zotimin tonë se do të mbrojmë votën e shqiptarëve dhe në mënyrë absolute do marrim të gjithë vendimet se kjo dëshmon se këtu zgjedhje të vërteta përveçse farsë, nuk ka”, theksoi Berisha./ CNA.al





Lajmet e fundit nga