web counter
LEXO PA REKLAMA!

SHKARKO APP

App Store
Google Play

E fundit!

x

“Meta përfitoi nga PD”/ Saimir Korreshi “nxjerr zbuluar” kreun e PL-së

19 Maj 2023, 19:46, Politikë CNA
“Meta përfitoi nga PD”/ Saimir Korreshi “nxjerr
Deputeti Saimir Korreshi

Deputeti Saimir Korreshi ka hedhur akuza të forta ndaj kreut të PL-së, Ilir Meta, teksa ka analizuar rezultatet e zgjedhjeve vendore.

Korreshi tha në një dalje për mediat se Meta ka përfituar nga Partia Demokratike në zgjedhje, pasi u shpreh se nuk ka as struktura dhe nuk bëri as fushatë.

Ai deklaroi se nëse pa hedhur asnjë pikë djerse dhe duke përfituar përçarja e PD-së, PL mori më shumë se 200 këshilltarë, që në kushte të tjera, sipas tij nuk kishte shans t’i fitonte.

“Meta përfitoi, katërcipërisht nuk do t’i merrte kurrë këta këshilltarë, nuk kishte shans. Nuk e pamë PL-në kurrë, asnjë ditë në fushatë. PL nuk ka struktura, është kot të themi që ka. Ata kësaj radhe vetëm se i kanë rritur reputacionin PL-së së ishte në kuotat më të vogla.

PL duhet të ishte patjetër si çdo parti opozitare, por ka përfituar se nuk ka derdhur asnjë pikë djerse, nuk ka dhënë asnjë lloj kontributi dhe ka përfituar. Thashë që në fillim ka hekurosur xhaketën dhe këmishëm dhe është bërë gati për këshillat bashkiakë.

Pra, asnjëherë nuk ka pasur PL kaq shumë këshilltarë, është hera e parë, kjo për faj të PD-së së ndarë. Për një hall vule u dhanë 200 apo 200 e ca këshilltarë”, theksoi Korreshi./ CNA.al





Lajmet e fundit nga