web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i PS-së ngre shqetësimin/ “Komisionerët me paga më të larta se gjyqtarët dhe prokurorët”

19 Maj 2023, 11:39, Politikë CNA

Deputeti i PS-së ngre shqetësimin/ “Komisionerët me paga

Deputeti i Partisë Socialiste, Fatmir Xhafaj, ka ngritur shqetësimin sa i përket draftit të qeverisë për rritjen e pagave në administratë.

Sipas tij ky draft nuk e ruan hierarkinë e piramidës shtetërore.

Xhafaj nënvizon se ky draft rrit pagat për disa komisionerë të cilët do të marrin një pagë më të lartë se gjyqtarët apo prokurorët.

“Është absurde të thuash që një rritje pagash nuk mund të mbështetet, përkundrazi meriton një mbështetje të madhe. Sa më shumë të rriten pagat aq më mirë është. Por unë do bëj disa pyetje duke e mbështetur plotësisht projektin e paraqitur dhe do të keni votën time pro.

Në relacion ju keni thënë që e gjitha kjo vjen për shkak se doli një vendim i Kushtetueses dhe duam të ruajmë hierarkinë. Me këtë arrini vërtetë ta ruani hierarkinë. E garantoni këtë apo është një argument thjesht për ta bërë këtë gjë? Unë konstatoj se nuk ruhet kjo hierarki. Mund të vendosni koeficentë të caktuar, por hierarkia nuk ruhet. Do kemi njerëz që do marrin shumë më tepër se funksione të caktuara.

A mund të kishte një formulë tjetër që të ndryshonit ligjet në kuadër që të ndryshojnë pagat. Kushtetuesja ka folur, ne duhet ta zbatojmë. Kjo ka ardhur edhe për shkak se qeveria dhe kuvendi nuk kanë ditur të mbrohen në Kushtetuese. Ajo që më vret syrin është që shikoj që disa paga me rritjen e koeficentëve që ju doni të bëni, të gjithë këta Komisionerët, me rritjen e koeficientit e kalojnë pagën bazë të gjyqtarit dhe prokurorit. Unë nuk besoj se të gjithë këta bëjnë një punë më të dobishme shoqërore sesa një gjyqtar dhe prokuror. Të gjithë komisionerët edhe në raport me deputetin janë shumë më lart. Nuk iu mbështes për mënyrën se si keni kërkuar ta bëni”, ka thënë Xhafaj.

Nga ana tjetër ministrja Delina Ibrahimaj është përgjigjur:

"Titullarët e institucioneve të pavarura marrin vetëm pagën e përcaktuar në këtë ligj. Të gjithë magjistratët marrin shtesën mbi pagën, është shtesë e përhershme që nuk mund të hiqet. Është një ligj i veçantë, i cili do të diskutohet shpejt në këtë komision. Nevoja për të pasur një hierarki ku Presidenti është në krye, ishte e domosdoshme. Një nga arsyet ishte vendimi i Kushtetueses, por jo i vetmi", është shprehur Ibrahimaj./ CNA.al

 





Lajmet e fundit nga