web counter
LEXO PA REKLAMA!

SHKARKO APP

App Store
Google Play

E fundit!

x

“Votat janë blerë”/ Topalli: Në zgjedhje ndërhyri krimi

18 Maj 2023, 22:23, Politikë CNA
“Votat janë blerë”/ Topalli: Në zgjedhje
Anëtarja e Kryesisë së PD-së, Jozefina Topalli

Anëtarja e Kryesisë së PD-së, Jozefina Topalli “ka drejtuar gishtin” nga Partia Socialiste për rezultatin e opozitës në zgjedhjet vendore të 14 majit.

Topalli tha në emisionin e Blendi Fevziut votat janë blerë, ndërsa i cilësoi këto zgjedhje si më të paprecedentat gjatë karrierës së saj politike.

Sipas saj, kurrë më parë nuk ka qenë më e egër ndërhyrja e mafies dhe e drogës se në këto zgjedhje.

“I janë dhuruar të gjitha bashkitë Ramës. Ne po e paguajmë koston. Unë mendoj që të mos harrojmë se çfarë ka ndodhur. Kjo fushatë ka filluar me tritol dhe është mbyllur me burgosjen e kandidatit. Fotografia e fushatës është ajo bashki që është përmbysur me votat e burgut. Unë nuk kam thënë kurrë që nuk janë blerë votat. Janë blerë votat, ka ndërhyrë dhe krimi. Kurrë nuk është bërë një betejë më e madhe kundër blerjes së votave dhe ndërhyrjes. 6 herë rresht ka humbur kryetari i siglës, i vulës dhe nuk ka dhënë dorëhqejn dhe as herën e fundit. Mbeti minorancë brenda partisë së tij.

Ky rezultat nuk është reali. Kur një kryetar partie bën fushatë, nëse ju thotë zgjedhësve të vet se unë nuk do të bëj fushatë, ky i ka demoralizuar të gjithë. PD-ja reale, nga 40% dhe shkoi në 2% dhe nuk mbajnë përgjegjësi asnjë dhe japin mend dhe tregojnë se çfarë duhet bërë. Këta janë zgjedhjet më të paprecedenta në historinë time politike. Kurrë nuk ka qenë në këtë shkallë fuqia e blerjes. Kulmi i fuqisë së blerjes dhe korruptimit. Kurrë nuk ka qenë më e egër ndërhyrja e mafies dhe e drogës. Kjo është drama e vendit tonë. Basha bëri marrëveshje me Edi Ramën. 8 vite rresht nuk ka pasur opozitë reale dhe prandaj është kaq e fortë mafia”, theksoi ajo./ CNA.al





Lajmet e fundit nga