web counter
LEXO PA REKLAMA!

SHKARKO APP

App Store
Google Play

E fundit!

x

Demokratët që votuan "Bashkë Fitojmë" i kanë dhuruar Ilir Metës të paktën 83 mijë vota

18 Maj 2023, 16:44, Politikë CNA
Demokratët që votuan "Bashkë Fitojmë" i kanë
Ilir Meta, kreu i PL-së

Sipas shifrave të publikuara nga Komisioni Qendror i Zgjedhjeve, koalicioni "Bashkë Fitojmë", i cili kishte në përbërje siglat e Ilir Metës dhe Vangjel Dules dhe si prijës të deklaruar Sali Berishën, për këshillat bashkiakë ka marrë në total 247 mijë vota.

Kjo shifër është 337 mijë vota më pak krahasuar me ato që PD dhe LSI mblodhën në zgjedhjet vendore të vitit 2015.

Krahasuar me zgjedhjet për Kuvendin 2021 kjo shifër është 480 000 vota më e ulët. Në zgjedhjet e kaluara PD mori 622 mijë vota dhe LSI 107 mijë vota morën në 2021.

Në këto zgjedhje PD zyrtare e vetme mblodhi 103 mijë vota.

Pra, pothuajse po aq sa rezultati i LSI në vitin 2021!

Nëse shifrës prej 662 mijë vota të PD të vitit 2021, i zbresim 103 mijë votat që kesaj rradhe shkuan për siglën zyrtare të PD, diferenca është 549 mijë vota.

103 mijë vota demokratësh aktualisht nuk kanë ndërruar identitet politik dhe kanë mbetur nën siglën PD.

Por çfarë ka ndodhur me diferencën?

Listat e këshillave bashkiak në koalicionin "Bashkë Fitojmë" u hartuan me raport përfaqësimi 1 me 1.

Pra 1 emër u vendos nga Partia e Lirisë dhe 1 emër u vendos nga Foltorja.

Ky raport i zbatuar me miratimin e Sali Berishës, nuk ndjek logjikën dhe raportin e përfaqësimit të PD dhe LSI, as të zgjedhjeve lokale të vitit 2015 dhe as të zgjedhjeve për Kuvendin të vitit 2021.

Ai raport, nëse konsiderojmë 103 mijë votat që u ruajtën të sigurta nën siglën PD, duhet të përfaqësonte shifrën 549 mijë për PD dhe 107 mijë për LSI (sot PL).

Sipas këtyre shifrave, raporti i përfaqësimit në Keshillat Bashkiak nuk mund të ishte 1 me 1, por 5 me 1 në favor të kandidaturave nga Foltorja. Vetëm kështu mund të thoshim se negociuesit e marrveshjes kishin synuar të ruanin maksimalisht (në rrethanat aktuale) identitetin politik të votave të pritshme.

Në këto zgjedhje koalicioni "Bashkë Fitojmë" grumbulloi vetëm 246 mijë vota.

Listat për këshillat bashkiak të hartuara në raport të barabartë 1×1, i kanë ndarë këto vota përgjysëm për sa i takon ndarjes së mandateve të Këshilltarëve.

Nga këto shifra PL ka ndarë mandate sikur sot të kish marrë 123 mijë vota në krahasim me 107 mijë që kishte marrë në 2021!

Por koalicioni "Bashkë Fitojmë" është "furnizuar" bujarisht me vota demokratësh e jo LSI-stësh!

Në këtë rast duke supozuar që trendi i rënies së votave për PD, qenkësh i barabartë me atë të LSI (sot PL), në shifrën 246 mijë vetëm 40 mijë vota do i takonin Ilir Metës. Diferenca e kësaj shifre praktikisht, janë vota demokratësh të dhuruara "bujarisht" nga Sali Berisha për emrat e vendosur në lista nga Ilir Meta

Në rastin më të mirë sot 83 mijë vota demokratësh kanë shkuar për të gjeneruar mandate për njerëzit e Ilir Metës në Keshillat Bashkiak.

Dhe shifra 83 mijë është shifër minimum. Sepse nëse i referohesh sondazheve të rrëshkitjes së LSI, dhurata mund të tejkalojë shifrën 100 mijë vota.

Dhe 100 mijë vota janë baraz me 10 mandate deputetësh në Kuvend.

Në këto zgjedhje PD zyrtare e vetme mblodhi 103 mijë vota për Këshilltarë Bashkiak.

Pothuajse aq sa rezultati i LSI në vitin 2021!

Sot nën dritën e këtyre shifrave mund të pyesim: kush i shiti votat e 83 mijë demokratëve që nuk i vodhi dhe nuk i shantazhoi dot Edi Rama?





Lajmet e fundit nga