web counter
LEXO PA REKLAMA!

SHKARKO APP

App Store
Google Play

E fundit!

x

“Babalja” ndërron “lëkurën”/ “Shigjeta” për Tabakun dhe Gazment Bardhin

18 Maj 2023, 10:58, Politikë CNA

“Babalja” ndërron “lëkurën”/

Deputeti Ervin Salinaji, i njohur ndryshe si "Babalja", në një deklaratë para mediave, ka shigjetuar deputetin Gazment Bardhi dhe deputeten Jorida Tabaku.

Salianji, që dikur priste me shkop në dorë demokratët në krahun e Lulzim Bashës dhe Enkelejd Alibeajt, sot ka ndërruar "lëkurën" duke thënë se ata që nuk kanë bërë një ditë fushatë po kërkojnë llogari për humbjen pasi e kanë dëmtuar PD-në.

Ai nuk përmendi emra specifikë, po rikujtojmë se Gazment Bardhin apo Jorida Tabakun nuk e kemi parë në asnjë takim elektoral të PD-së së vulës.

“Është momenti që të kemi ndryshime reale. Ata që e kanë dëmtuar PD-në, kërkojnë llogari.

Deputetët që nuk bënë fushatë. Ka njerëz që kanë punuar dhe kundër. Ata që kanë pasur përgjegjësi konkrete të mbajnë përgjegjësi.

Ta lexojmë drejt rezultatin, përtej reflektimit të thellë.

U vërtetua ajo që themi prej kohësh, ne jemi në një regjim.

Është momenti të kemi ndryshime reale, secili ta shohë personalisht përgjegjësinë e tij.

Secili të mbajë përgjegjësi konkrete në raport me rezultatin në zonat e veta.

E gjitha administrata publike ishte Shtabi i Partisë Socialiste.

Duhet të gjejmë mekanizma për të tejkaluar edhe vetveten.

Partia Demokratike gjendet në një moment të dobët.

Opozita duhet të reflektojë dhe duhet të merret me veten”, tha ndër të tjera Salianji./ CNA.al





Lajmet e fundit nga