LEXO PA REKLAMA!

SHKARKO APP

Alibeaj jep dorëheqjen nga hiçi

17 Maj 2023, 17:10, Politikë CNA
Alibeaj jep dorëheqjen nga hiçi
Enkelejd Alibeaj

Enkelejd Alibeaj, kryetari i komanduar i PD-së ka dhënë sot dorëheqjen komandimi.

Alibeaj, i cili nuk është zgjedhur nga demokratët në krye të PD-së, por u komadua në këtë post pas dorëheqjes së Lulzim Bashës, ka ikur kokëulur pas humbjes së thellë në zgjedhje vendore.

Në një deklaratë për media, ai u shpreh se do të largohet edhe nga pozicioni drejtues në Grupin Parlamentar.

“Zgjedhjet e 14 Majit, padyshim, patën probleme serioze: presione mbi administratën, përdorim të fortësh, përdorim oligarkësh, sistem elektronik difektoz etj. Por, para së gjithash, ne duhet të shohim nga vetja. Ne duhet të analizojmë me seriozitet efektet e përçarjes së Partisë Demokratike në rezultatin e zgjedhjeve. Ne duhet të vlerësojmë si duhet punën e bërë në terren nga strukturat e partisë, impenjimin e gjithësecilit, kontributin e gjithësecilit, për të kuptuar çfarë shkoi keq dhe çfarë shkoi si duhet. Në shenjë reflektimi dhe përgjegjshmërie, kam vendosur të largohem nga drejtimi i partisë dhe po ashtu nga pozicioni drejtues në grupin parlamentar”, tha Alibeaj./ CNA.al

Lajmet e fundit nga