web counter
LEXO PA REKLAMA!

SHKARKO APP

App Store
Google Play

E fundit!

x

Bejko merr në mbrojtje Alibeajn/ Sulmon Bardhin dhe Tabakun: Kapën malet në fushatë

17 Maj 2023, 22:20, Politikë CNA
Bejko merr në mbrojtje Alibeajn/ Sulmon Bardhin dhe Tabakun: Kapën
Kandidati i PD-së së Lulzim Bashës, Roland Bejko

Kandidati i PD-së së Lulzim Bashës, Roland Bejko mori në mbrojtje Enkelejd Alibeajn pasi ky i fundit dha dorëheqjen nga komandimi në krye të PD-së.

Ai tha se ishte një vendim i drejtë, për të vcilin Alibeaj nuk u konsultua me askënd për të mos u ndikuar.

“Alibeaj nuk u konsultua me askënd për dorëheqjen. Pata një telefonatë me të disa orë pas dorëheqjes dhe arsyeja ishte që nuk donte të ndikohej nga askush.

Jemi në një betejë prej një viti e gjysmë, deri tani duket se PD ende vijon të marrë frymë. Është një trup i plagosur sepse ka qenë një parti ne madhe dhe natyrisht ka rënë në këto nivele, për pasojë mendoj se Alibeaj ka bërë gjënë e duhur sepse ishte parashikuar që zgjedhjet për kryetar duhet të ishin bërë një vit më parë, por intensiteti i situatës e bëri ta çojë partinë deri në zgjedhe.

Nuk është sekret për publikun, vjen një moment që zhvillimet politike brenda partisë duhet t’i dijë publiku, duhet të bëhet transparencë. Alibeaj ka qenë në situatë të vështirë sepse qëndrimi i grupit dhe kryesisë kanë qenë në kundërshti”, u shpreh ai.

Më tej, Bejko hodhi akuza ndaj Gazmend Bardhit dhe Jorida Tabakut, teksa tha se nuk e kanë ndihmuar PD-në në fushatë.

“Sekretari i Përgjithshëm ka ndihmuar kandidatin e foltores dhe nënkryetarja nuk u duk një ditë në fushatë. Një fundjavë kishin kapur të dy malet. Unë bëja fushatë, zonja në fjalë hidhte foto ekzotike nga Bjeshkët e Namuna.

Stresin e fushatës nuk e kam hequr as me kundërshtarët politikë e as me qytetarët, por kam ndenjur netë të tëra pa gjumë për pengesat që na vinin nga brenda partisë. E kam bërë fushatën pa kokërr leku. Fonde kanë kaluar vetëm pak ditë pasi mbaroi fushata”, theksoi ai./ CNA.al





Lajmet e fundit nga