web counter
LEXO PA REKLAMA!

SHKARKO APP

App Store
Google Play

Berisha nuk ndal denoncimet/ “Votat u blenë, u transferuan listat e zgjedhësve”

18 Maj 2023, 13:15, Politikë CNA

Berisha nuk ndal denoncimet/ “Votat u blenë, u transferuan listat e

Ish-kryeministri Sali Berisha, ka denoncuar edhe një herë se në 14 maj janë blerë votat.

Në një deklaratë për mediat, Berisha është shprehur se në këto zgjedhje u rikthye loja me listën e zgjedhësve, ku sipas tyre listat me emrat e zgjedhësve janë transferuar në vende të ndryshme pa u lajmëruar vetë zgjedhësit.

"Në këtë farsë si kurrë më parë ndërhyrja ishte e përmasave të tmerrshme saqë rrëzoi euron, monedhën më të fuqishme të Europës në nivele si kurrë më parë.

Pra, ky është një tipar i industrisë mafioze shtetërore të blerjes së votës.

Por farsa elektorale e majtë 2023 gërshetoi në mënyrën më të shëmtuar dy stile të farsave elektorale. Stilin e narkoshtetit dhe mafies së tij me stilin Putin, i cili parakupton përdorimin e të gjitha mjeteve të shtetit për kontrollin e votës së lirë dhe ndryshimin e rezultateve.

Në dallim nga zgjedhjet e mëparshme në këto zgjedhje u rikthye me të gjitha pasojat dhe shëmtinë e saj loja me listat e votimit, përjashtimi i zgjedhësve nga qendrat e votimit nëpërmjet listave.

Dita e votimit ishte ditë e përjashtimit të mbi 200 mijë zgjedhësve shqiptarë. Emrat e tyre ishin transferuar në qytetet e tjera pa paralajmërim dhe në kundërshtim me ligjin.

Vetë KQZ pohon se për këtë shkak nuk votuan ditën e votimit 180 mijë shqiptarë të zgjedhur sipas kriterit të bindjeve politike", tha Berisha./ CNA.al





Lajmet e fundit nga