E fundit!

13:19 Aktualitet

Braho, “shuplakë” politikës: Më vjen mirë që SPAK-u është i papëlqyer nga të dyja kahet

Kreu i SPAK-ut, Klodjan Braho, i ka dhënë një shuplakë pol...

Peleshi, vizitë zyrtare në Slloveni/ "Intensifikojmë bashkëpunimin në fushën e mbrojtjes dhe sigurisë"

18 Maj 2023, 15:35, Politikë CNA

Peleshi, vizitë zyrtare në Slloveni/ "Intensifikojmë

Ministri i Mbrojtjes, Niko Peleshi, vizitoi Slloveninë, me ftesë të ministrit të Mbrojtjes të Sllovenisë, Marjan Sarec.

Në bisedën mes dy ministrave u vlerësuan marrëdhëniet shumë të mira dhe bashkëpunimi mes Shqipërisë dhe Sllovenisë jo vetëm në fushën e sigurisë dhe mbrojtjes.

Peleshi theksoi se “Sllovenia është një partnere e Shqipërisë dhe një mbështetëse e vendit tonë në rrugën e gjatë të integrimit në Bashkimin Europian”.

Në konferencën e përbashkët për mediat, Peleshi tha se e njohu homologun e tij ?arec mbi zhvillimet e fundit politike në Shqipëri, mbi reformat e realizuara si dhe angazhimin maksimal të qeverisë shqiptare drejt përmbushjes së objektivit madhor atë të anëtarësimit në Bashkimin Europian.

Peleshi, vizitë zyrtare në Slloveni/ "Intensifikojmë

Duke vënë theksin te roli i Shqipërisë në favor të fqinjësisë së mirë, prosperitetit dhe promovimit të vlerave demokratike në rajonin e Ballkanit Perëndimor, ministri deklaroi se kërkoi nga homologu slloven të vijonte mbështetjen në përfshirjen e Kosovës në nisma rajonale, në të cilat ajo mund të japë kontributin e saj dhe të jetë një vlerë e shtuar për zhvillimin e bashkëpunimit rajonal.

Ministri i Mbrojtjes e njohu ministrin Sarec edhe me reformat dhe vëmendjen e veçantë të qeverisë shqiptare për reformimin dhe modernizimin e Forcave të Armatosura të Republikës së Shqipërisë, duke përfshirë këtu investime në fushën e mbrojtjes kibernetike, në industrinë ushtarake si dhe përmirësimin e ndjeshëm të trajtimit financiar të ushtarakëve.

Peleshi, vizitë zyrtare në Slloveni/ "Intensifikojmë

“Një vëmendje të veçantë po u kushtohet reformave në fushën e edukimit dhe trajnimit të personelit të Forcave të Armatosura, për të cilat personalisht besoj fort se një investim i tillë sot do të sjellë një të ardhme më të ndritur dhe cilësore për ushtrinë shqiptare”, u shpreh ministri i Mbrojtjes.

Ministrat e Shqipërisë dhe Sllovenisë shkëmbyen ide dhe ranë dakord të intensifikojnë bashkëpunimin në fushën e sigurisë dhe të mbrojtjes si dhe angazhuan stafet respektive në hartimin dhe implementimin konkret të këtyre ideve./ CNA.al

Peleshi, vizitë zyrtare në Slloveni/ "Intensifikojmë