LEXO PA REKLAMA!

SHKARKO APP

Shoqata Tirana, krah Këlliçit/ Bëri fushatë model, dha frymë pozitive

19 Maj 2023, 21:30, Politikë CNA

Shoqata Tirana, krah Këlliçit/ Bëri fushatë model, dha

Arben Tafaj, kryetari i Shoqatës Tirana ka mbledhur sot këshillin drejtues, ku u diskutua për zgjedhjet vendore të 14 majit.

Shoqata Tirana ka vlerësuar kandidatin e koalicionit “Bashkë Fitojmë” për Tiranën, Belind Këlliçin.

Shoqata Tirana deklaron se fushata e Këlliçit ishte një fushatë model, me një program të qartë dhe frymë pozitive.

Sipas Tafajt, fakti që rezultati personal i kandidatit të opozitës ishte 32 mijë vota më shumë se koalicioni, tregon një mbështetje të profilit të Belind Këlliçit dhe vlerave të tij qytetare.

Shoqata Tirana, krah Këlliçit/ Bëri fushatë model, dha

Deklarata e plotë:

Në takimin e sotëm të Këshillit Drejtues të Shoqatës Tirana u diskutua mbi zgjedhjet e 14 majit dhe objektivat e Shoqatës për muajt në vijim.

Kandidatët e Shoqatës Tirana për këshilltarë falenderuan të gjithë anëtarët e Këshillit Drejtues për mbeshtetjen dhe kontributin e tyre në këto zgjedhje. Ky falenderim i shkon çdo anëtari dhe simpatizanti të shoqatës, si dhe çdo tiranasi që kontribuoi duke shprehur vullnetin e tij në kutinë e votimit.

Falenderojmë shoqatat si motra që bashkërenduan vullnetin e tyre mbështetës në organizimin e aktiviteteve të përbashkëta në këtë periudhë.

Me gjithë kontestimet dhe parregullsitë në proces dhe vështirësitë në terren, Shoqata Tirana arriti të mobilizojë strukturat e saj dhe të organizojë aktivitete të shumta mbështetëse në respekt të  marrëveshjes se 18 dhjetorit 2022 me Kandidatin për Kryetar Bashkie, z. Belind kelliçi.

Shoqata jonë e konsideron përfaqësimin në Këshillin Bashkiak të Tiranës një hapësirë të re reagimi ku zeri i qytetarëve të Tiranës do të dëgjohet edhe më fort. Ne arritëm të jemi pjesë e sistemit të vendim-marrjes së qytetit, gjë që rrit akoma më tepër përgjegjësitë tona përfaqësuese.

Shoqata Tirana shprehet e bindur se fushata e z. Belind Këlliçi ishte një fushatë model me një program të qartë dhe frymë pozitive. Fakti që rezultati personal i tij ishte 32 000 vota më shumë se koalicioni, tregon për një mbëshhtetje të profilit të kandidatit dhe vlerave të tij qytetare.

Shoqata Tirana do të vazhdojë aktivizmin e saj shoqëror dhe do të forcojë bashkëpunimin e saj në të ardhmen me aktorët dhe faktorët rilevantë të politikës shqiptare, duke vënë në mënyrë absolute në radhë të parë interesat dhe prioritetet e qytetarëve të Tiranës dhe qytetit tonë./ CNA.al

Lajmet e fundit nga