web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Gazment Bardhi, me vulën nga pas

19 Maj 2023, 20:45, Politikë CNA
Shënim/ Gazment Bardhi, me vulën nga pas
Gazment Bardhi

Gazment Bardhi sot ka marrë drejtimin e PD-së. Nga pas ai tërheq vulën e kësaj partie.

Pas largimit të Alibeajt dhe dorëheqjes së tij si kryetar grupi, si kryetar partie, si nënkryetar partie dhe shumë poste të tjera që mbanrte, tani gjithçka i ka ngelur në dorë Gazit.

Megjithëse statuti i PD-së së Kongresit të korrikut të vitit 2021 ende nuk është regjistruar në gjykatë dhe nuk ka efekt, Gazi vazhdon të funksionojë dhe të punojë, të regjistrojë dhe të veprojë gjithçka në bazë të atij statuti.

Sot është njeriu me më shumë poste në Partinë Demokratike, pas dorëheqjeve të bëra nga Enkelejd Alibeaj.

Gazi është kryetar grupi, duke qenë kryetar grupi është automatikisht nënkryetar, duke qenë nënkryetar është i vetmi që mund të mbajë postin e kryetarit të dorëhequr, që është Lulzim Basha, pasi Grida Duma ka ikur, Jorida Tabaku nuk ka pranuar, ka ikur edhe Agron Gjekmarkaj, iku edhe Enkelejed Alibeaj.

Tani Gazi është kryetar dhe nënkryetar i partisë, kryetar i Grupit Parlamentar, Sekretar i Përgjithshëm dhe i deleguar në tre - katër qarqe, ashtu siç ishte Enkelejd Alibeaj.

Gazi me vulën e tij nga pas, po ecën përpara, duke i dhënë shpresë PD-së dhe demokratëve të vulës që do të fitojnë, që do ta mposhtin Edi Ramën dhe që do të sjellin të ardhmen e ndritur.

Pritet që së shpejti, Gazment Bardhi dhe disa personalitete të tjera që e shoqërojnë të zhvillojnë takime me konservatoren ndërkombëtare, të mirënjohurën Evi Kokalari./ CNA.al





Lajmet e fundit nga